Hin fjölhæfa og vinsæla María Þóris framlengdi til Chelsea til ársins 2021

Hin norsk-íslenska María Þórisdóttir verður áfram í herbúðum enska úrvalsdeildarliðsins Chelsea en félagið tilkynnti um nýjan tveggja ára samning í dag.

María fær mikið hrós frá fréttaritara Chelsea í frétt á heimasíðu félagsins en hún er dóttir Selfyssingsins Þóris Hergeirssonar sem þjálfar norska kvennalandsliðið í handbolta.

María á norska móður og ólst upp í Noregi. Hún valdi  það að spila með norska landsliðinu en gat líka spilað með íslenska landsliðinu.

@MariaThorisdott has signed a new contract with the Blues until 2021! https://t.co/25B5fUdgDF

— Chelsea FC Women (@ChelseaFCW) February 15, 2019

„Hinn fjölhæfi og vinsæli leikmaður í hópi Emmu Hayes hefur spilað í mörgum stöðum í vörn og miðju síðan að hún kom frá Klepp áreið 2017,“ segir í frétt um nýja samninginn á heimasíðu Chelsea.

María hefur verið að glíma við meiðsli og veikindi á þessu tímabili en fer að koma aftur til baka á næstunni.

María hefur verið að glíma við afleiðingar á höfuðhöggi sem hún fékk í lok síðasta árs.

„Þetta hafa verið þrír erfiðir mánuðir. Heilahristingur er ein af verstu meiðslunum sem þú getur lent í því af því að þú getur ekkert gert. Sem betur fer er í lagi með hausinn minn núna og ég er að byrja að æfa á ný. Ég kem vonandi fljótlega aftur inn á völlinni,“ sagði María við heimasíðu Chelsea.

María ætlar sér að vinna sér sæti í norska landsliðinu sem spilar á HM í Frakklandi í sumar.

Hér fyrir neðan má sjá viðtal við Maríu sem kom inn á Twitter-síðu Chelsea í dag.

'Winning the FA Cup trophy was one of the biggest things I have done and I really want to win that again!' @MariaThorisdott's ambitions are clear! pic.twitter.com/lis5FcqOZM

— Chelsea FC Women (@ChelseaFCW) February 15, 2019