Smalling: Ole kom til Manchester með eitt skýrt markmið

Chris Smalling segir Ole Gunnar Solskjær hafa komið aftur til Manchester United með eitt markmið í huga. Að koma trú aftur í leikmennina.

Smalling var í ítarlegu viðtali við breska blaðið Times þar sem hann ræddi meðal annars föðurmissinn á unga aldri og áhrif Solskjær á liðið.

„Við vorum að ganga í gegnum erfiða tíma með Mourinho. Sjálfstraustið var lágt. Solskjær vildi koma inn, taka utan um nokkra leikmenn og segja þeim að hann trúi á þá, það sé ástæða fyrir því að Manchester United keypti þá,“ sagði Smalling.

„Meira að segja vinir mínir og fjölskylda eru farin að horfa á klúbbinn með jákvæðari augum. Þau hlakkar meira til leikjanna en fyrr á tímabilinu. Tapið gegn PSG var vonbrigði, en það var samt mikill munur á andrúmsloftinu hjá stuðningsmönnunum.“

Allt viðtalið má lesa hér.