Breiðablik burstaði Grindavík

Breiðablik mun leika til úrslita í Fótbolta.net mótinu en það varð ljóst eftir að liðið vann stórsigur á Grindavík í Fífunni í dag. 

Aron Bjarnason kom Blikum yfir strax á fimmtu mínútu leiksins og reyndist það eina mark fyrri hálfleiks.

Í síðari hálfleik hrukku svo Blikarnir af alvöru í gang og skoruðu fjögur mörk, Brynjólfur Darri Willumsson 2, Kwame Quee 1 og Viktor Karl Einarsson 1. 

Lokatölur því 5-0 fyrir Breiðablik og sigra þeir því riðil 2 þar sem þeir fengu sjö stig, HK fimm, Grindavík fjögur og ÍBV ekkert.