Bowyer kærður fyrir dónaskap

Gamla hörkutólið Lee Bowyer, stjóri Charlton, var í dag kærður af enska knattspyrnusambandinu fyrir hegðun sína í garð dómara.

Bowyer missti stjórn á skapi sínu í tapi Charlton gegn Swansea og urðaði yfir dómara leiksins. Ekki bara meðan á leik stóð heldur einnig í göngunum eftir leik.

Bowyer efaðist um heilindi dómarans og sakaði hann hreinlega um að vera svindlara. Það þykir ekki vera æskileg hegðun.

Hann fær tækifæri fram á miðvikudag til þess að svara fyrir sig. Svo verður málið tekið fyrir.