Inter að leggja fram nýtt tilboð í Lukaku

Ítalska úrvalsdeildarliðið Inter Milan undirbýr nú nýtt tilboð í belgíska framherjann Romelu Lukaku en viðræður milli ítalska liðsins og Manchester United hafa verið í gangi undanfarna dag.

Man Utd hefur sett 80 milljón punda verðmiða á þennan 26 ára gamla framherja.

Samkvæmt heimildum Sky Sports hljóðar nýtt tilboð Inter upp á 60 milljónir punda en inniheldur ýmis ákvæði sem forráðamenn Inter vonast til að muni freista enska félagið.

Ítalirnir gera sér grein fyrir því að þeir þurfa að hafa hraðar hendur í þessum félagaskiptum þar sem talið er að Man Utd hyggist fylla skarð Lukaku með nýjum sóknarmanni, verði af því að Belginn yfirgefi félagið.

Lukaku hefur skorað 42 mörk í 96 leikjum fyrir Man Utd síðan hann gekk í raðir félagsins sumarið 2017 en þá borgaði Man Utd 79 milljónir punda til Everton.