Sjáðu umdeilt mark Hernandez og upprúllun Watford

Watford rúllaði yfir Cardiff og West Ham vann Fulham í föstudagsleikjum í ensku úrvalsdeildinni í gærkvöld.

Gerard Deuofeu skoraði fyrstu þrennu Watford í efstu deild á þessari öld í 5-1 sigri Watford. Troy Deeney skoraði hin tvö mörk Watford.

Sol Bamba skoraði sárabótamark fyrir Cardiff en Aron Einar Gunnarsson kom ekkert við sögu í leiknum.

Í Lundúnum skoraði Javier Hernandez umdeilt jöfnunarmark fyrir West Ham eftir að Ryan Babel hafði komið gestunum í Fulham yfir.

Issa Diop og Michail Antonio sáu svo um að tryggja West Ham sigurinn.

Allt það helsta úr leikjunum tveimur má sjá hér að neðan.

Cardiff - Watford 1-5 West Ham - Fulham 3-1