Sjáðu öll mörkin úr enska boltanum í gær

Raheem Sterling skoraði fljótasta mark tímabilsins í ensku úrvalsdeildinni í fótbolta í gær þegar hann kom Manchester City yfr gegn Watford þegar 38 sekúndur voru liðnar af leiknum.

Christian Kabasele skoraði sjálfsmark rúmum tíu mínútum seinna og Sergio Aguero tryggði sigur City þrátt fyrir sárabótamark Andre Gray.

Í Swansea skoraði Fernando Llorente gegn sínum gömlu félögum og kom Tottenham yfir snemma leiks áður en Dele Alli tryggði 0-2 sigur.

Andy Carroll tryggði West Ham 2-1 sigur á West Bromwich Albion með marki í uppbótartíma og Crystal Palace heldur áfram góðu gengi með 1-2 sigri á Southampton.

Samantekt gærdagsins má sjá í spilaranum efst í fréttinni og öll helstu atvik úr einstaka leikjum hér fyrir neðan.

Manchester City - Watford 3-1

Swansea - Tottenham 0-2

West Ham - West Bromwich Albion 2-1

Southampton - Crystal Palace 1-2