Nýtt hár, sami gamli Agüero Ingvi Þór Sæmundsson skrifar 12. nóvember 2018 08:00 Aguero fagnar marki sínu vísir/getty Sergio Agüero skartaði aflituðu í leik Manchester City og Manchester United á Etihad í gær. Það að hann hafi skorað gegn United eru hins vegar nýjar fréttir og gamlar. Á 48. mínútu sendi Agüero boltann á Riyad Mahrez, fékk hann aftur hægra megin í vítateignum, þrumaði honum upp í þaknetið og kom City í 2-0. Þetta var áttunda deildarmark Argentínumannsins gegn United síðan hann kom til City sumarið 2011. Enginn leikmaður hefur skorað fleiri mörk í Manchester-slagnum frá stofnun ensku úrvalsdeildarinnar en Agüero. Newcastle United (14) og Tottenham (10) eru einu liðin sem hann hefur skorað meira gegn í ensku úrvalsdeildinni. Agüero hefur skorað átta mörk í fyrstu tólf deildarleikjum tímabilsins og er markahæstur í ensku úrvalsdeildinni. Hann hefur skorað einu marki meira en Pierre-Emerick Aubameyang (Arsenal) og Eden Hazard (Chelsea). Tíu mínútum eftir mark Agüeros í leiknum í gær minnkaði Anthony Martial muninn í 2-1 með marki úr vítaspyrnu. Frakkinn hefur nú skorað í fimm deildarleikjum í röð. United hefur sýnt mikla seiglu í síðustu leikjum og verið duglegt að koma til baka eftir að hafa lent undir. Þeir komust þó ekki nær City í gær. Þegar fjórar mínútur voru eftir gulltryggði Ilkay Gündogan sigur heimamanna þegar hann rak smiðshöggið á 44 sendinga sókn. Þótt United hafi hótað því að koma til baka í seinni hálfleik var City miklu sterkara liðið í leiknum og sigurinn var sanngjarn. Staðan í deildinni segir líka sitt um muninn á þessum tveimur liðum. City er með 32 stig á toppnum, tólf stigum á undan United sem er í 8. sætinu. Í dag er himinn og haf á milli þessara liða. City er ekki bara með miklu fleiri stig heldur búið að skora mun fleiri mörk, 36 gegn 20, og hefur aðeins fengið á sig fimm mörk á móti 21 marki United. Lið José Mourinho fékk á sig 28 mörk allt síðasta tímabil. City hefur haldið uppteknum hætti frá síðasta tímabili þar sem liðið varð Englandsmeistari og sló ótal met. Pep Guardiola slær hvergi af kröfunum þrátt fyrir frábæran árangur í fyrra. Mikill vill meira og það kæmi mikið á óvart ef City myndi ekki verja Englandsmeistaratitilinn sem yrði þá sá fjórði eftir yfirtökuna á félaginu 2008. Agüero hefur verið lykilmaður í velgengni City undanfarin ár og gerir tilkall til þess að vera besti leikmaður í sögu félagsins. Stuðningsmenn City munu allavega aldrei gleyma honum. Markið gegn QPR í lokaumferðinni tímabilið 2011-12 eitt og sér gerir það að verkum. Agüero skoraði tvö mörk í fyrsta leik sínum fyrir City og hefur skorað eins og óður maður síðan. Hann er markahæsti leikmaður í sögu City með 210 mörk í aðeins 307 leikjum. Af þessum 210 mörkum hefur 151 komið í ensku úrvalsdeildinni. Leikirnir eru aðeins 218 og hann er því með 0,69 mörk að meðaltali í leik sem er frábær tölfræði. Agüero er áttundi markahæsti leikmaður ensku úrvalsdeildarinnar frá upphafi. Bara á þessu tímabili hefur hann hoppað upp úr 13. sæti markalistans í það áttunda. Ef ekki væri fyrir tíð meiðsli væri Agüero eflaust ofar á markalistanum. Hann hefur mest spilað 34 deildarleiki á einu tímabili og það er kannski helsta ástæðan fyrir því að hann hefur bara einu sinni orðið markakóngur ensku úrvalsdeildarinnar (2014-15). Og þrátt fyrir stöðuga og góða spilamennsku síðan Agüero kom til City hefur hann aðeins einu sinni verið í liði ársins (2017-18). Argentínski framherjinn virðist líka vera sáttur í Manchester. Hann kvartar ekki yfir veðrinu og hefur látið það vera að daðra við stóru liðin á Spáni eins og svo margir af bestu leikmönnum ensku úrvalsdeildarinnar hafa jafnan gert. Agüero ýtir líka allri samkeppni til hliðar. Hann er enn þá aðalframherji City, sjö árum eftir að hann kom til félagsins. Og stundum virðist hreinlega eins og hann leggi bölvun á hina framherja City. Þeir hafa komið og farið en Agüero er alltaf til staðar. Og alltaf skorar hann. Birtist í Fréttablaðinu Enski boltinn Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Barcelona þarf tæplega tuttugu milljarða fyrir lok júnímánaðar Fótbolti Grín sem snerist mjög fljótt upp í alvöru Handbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Stærsta tap meistara í sögu úrslitakeppninnar Körfubolti Fleiri fréttir Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Emirates verður aðalheimavöllur Arsenal á næstu leiktíð Guardiola: Arsenal verður meistari ef við vinnum ekki Tottenham Var með 0,99 í xG en skoraði samt ekki Varane kveður United eftir tímabilið Fernandes íhugar að stökkva frá borði Hrósaði karakter leikmanna eftir að liðið henti frá sér unnum leik Liverpool henti frá sér sigrinum í síðasta útileik Klopp Kröfðu Bayern um 100 milljónir fyrir þjálfarann Sú markahæsta í sögu ensku deildarinnar yfirgefur Arsenal og fer væntanlega til City Sjá meira
Sergio Agüero skartaði aflituðu í leik Manchester City og Manchester United á Etihad í gær. Það að hann hafi skorað gegn United eru hins vegar nýjar fréttir og gamlar. Á 48. mínútu sendi Agüero boltann á Riyad Mahrez, fékk hann aftur hægra megin í vítateignum, þrumaði honum upp í þaknetið og kom City í 2-0. Þetta var áttunda deildarmark Argentínumannsins gegn United síðan hann kom til City sumarið 2011. Enginn leikmaður hefur skorað fleiri mörk í Manchester-slagnum frá stofnun ensku úrvalsdeildarinnar en Agüero. Newcastle United (14) og Tottenham (10) eru einu liðin sem hann hefur skorað meira gegn í ensku úrvalsdeildinni. Agüero hefur skorað átta mörk í fyrstu tólf deildarleikjum tímabilsins og er markahæstur í ensku úrvalsdeildinni. Hann hefur skorað einu marki meira en Pierre-Emerick Aubameyang (Arsenal) og Eden Hazard (Chelsea). Tíu mínútum eftir mark Agüeros í leiknum í gær minnkaði Anthony Martial muninn í 2-1 með marki úr vítaspyrnu. Frakkinn hefur nú skorað í fimm deildarleikjum í röð. United hefur sýnt mikla seiglu í síðustu leikjum og verið duglegt að koma til baka eftir að hafa lent undir. Þeir komust þó ekki nær City í gær. Þegar fjórar mínútur voru eftir gulltryggði Ilkay Gündogan sigur heimamanna þegar hann rak smiðshöggið á 44 sendinga sókn. Þótt United hafi hótað því að koma til baka í seinni hálfleik var City miklu sterkara liðið í leiknum og sigurinn var sanngjarn. Staðan í deildinni segir líka sitt um muninn á þessum tveimur liðum. City er með 32 stig á toppnum, tólf stigum á undan United sem er í 8. sætinu. Í dag er himinn og haf á milli þessara liða. City er ekki bara með miklu fleiri stig heldur búið að skora mun fleiri mörk, 36 gegn 20, og hefur aðeins fengið á sig fimm mörk á móti 21 marki United. Lið José Mourinho fékk á sig 28 mörk allt síðasta tímabil. City hefur haldið uppteknum hætti frá síðasta tímabili þar sem liðið varð Englandsmeistari og sló ótal met. Pep Guardiola slær hvergi af kröfunum þrátt fyrir frábæran árangur í fyrra. Mikill vill meira og það kæmi mikið á óvart ef City myndi ekki verja Englandsmeistaratitilinn sem yrði þá sá fjórði eftir yfirtökuna á félaginu 2008. Agüero hefur verið lykilmaður í velgengni City undanfarin ár og gerir tilkall til þess að vera besti leikmaður í sögu félagsins. Stuðningsmenn City munu allavega aldrei gleyma honum. Markið gegn QPR í lokaumferðinni tímabilið 2011-12 eitt og sér gerir það að verkum. Agüero skoraði tvö mörk í fyrsta leik sínum fyrir City og hefur skorað eins og óður maður síðan. Hann er markahæsti leikmaður í sögu City með 210 mörk í aðeins 307 leikjum. Af þessum 210 mörkum hefur 151 komið í ensku úrvalsdeildinni. Leikirnir eru aðeins 218 og hann er því með 0,69 mörk að meðaltali í leik sem er frábær tölfræði. Agüero er áttundi markahæsti leikmaður ensku úrvalsdeildarinnar frá upphafi. Bara á þessu tímabili hefur hann hoppað upp úr 13. sæti markalistans í það áttunda. Ef ekki væri fyrir tíð meiðsli væri Agüero eflaust ofar á markalistanum. Hann hefur mest spilað 34 deildarleiki á einu tímabili og það er kannski helsta ástæðan fyrir því að hann hefur bara einu sinni orðið markakóngur ensku úrvalsdeildarinnar (2014-15). Og þrátt fyrir stöðuga og góða spilamennsku síðan Agüero kom til City hefur hann aðeins einu sinni verið í liði ársins (2017-18). Argentínski framherjinn virðist líka vera sáttur í Manchester. Hann kvartar ekki yfir veðrinu og hefur látið það vera að daðra við stóru liðin á Spáni eins og svo margir af bestu leikmönnum ensku úrvalsdeildarinnar hafa jafnan gert. Agüero ýtir líka allri samkeppni til hliðar. Hann er enn þá aðalframherji City, sjö árum eftir að hann kom til félagsins. Og stundum virðist hreinlega eins og hann leggi bölvun á hina framherja City. Þeir hafa komið og farið en Agüero er alltaf til staðar. Og alltaf skorar hann.
Birtist í Fréttablaðinu Enski boltinn Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Barcelona þarf tæplega tuttugu milljarða fyrir lok júnímánaðar Fótbolti Grín sem snerist mjög fljótt upp í alvöru Handbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Stærsta tap meistara í sögu úrslitakeppninnar Körfubolti Fleiri fréttir Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Emirates verður aðalheimavöllur Arsenal á næstu leiktíð Guardiola: Arsenal verður meistari ef við vinnum ekki Tottenham Var með 0,99 í xG en skoraði samt ekki Varane kveður United eftir tímabilið Fernandes íhugar að stökkva frá borði Hrósaði karakter leikmanna eftir að liðið henti frá sér unnum leik Liverpool henti frá sér sigrinum í síðasta útileik Klopp Kröfðu Bayern um 100 milljónir fyrir þjálfarann Sú markahæsta í sögu ensku deildarinnar yfirgefur Arsenal og fer væntanlega til City Sjá meira