Sarri: Við erum í vandræðum

Chelsea er í vandræðum eftir að Olivier Giroud meiddist í leik Chelsea og Crystal Palace í ensku úrvalsdeildinni í dag.

Franski framherjinn var borinn af velli í seinni hálfleik og er óttast að hann hafi skaðað liðbönd í ökkla.

„Við erum í vandræðum. Í janúar þurfum við að spila með þriggja daga millibili,“ sagði Maurizio Sarri eftir leikinn sem Chelsea vann 1-0.

Cesc Fabregas, Ruben Loftus-Cheek, Pedro og Callum Hudson-Odoi eru allir á meiðslalistanum hjá Chelsea.

Chelsea mætir Southampton 2. Janúar.