Firmino ekki alvarlega meiddur

Roberto Firmino, sóknarmaður Liverpool, kveðst ekki vera alvarlega meiddur en hann þurfti að fara útaf vegna meiðsla í stórleiknum gegn Tottenham í gær.

Firmino kom Liverpool í 0-2 snemma í síðari hálfleik en þurfti svo að yfirgefa völlinn eftir samstuð við Jan Vertonghen rúmum fimmtán mínútum síðar.

Jurgen Klopp, stjóri Liverpool, var ekki vongóður fyrir hönd Firmino um að hann myndi ná stórleiknum gegn PSG í Meistaradeild Evrópu næstkomandi þriðjudag en Klopp sagði í leikslok að það liti ekki vel út.

Firmino hefur hins vegar róað stuðningsmenn Liverpool með færslu sem hann setti á Instagram siðu sína í gærkvöldi.

 

View this post on Instagram

It was just a scare, my eye is ok and so am I. Thank you for all the support and see you soon #YNWA Foi só um susto, meu olho está bem e eu também! Obrigado por todo o apoio e a gente se vê logo

A post shared by Bobby Firmino (@roberto_firmino) on Sep 15, 2018 at 10:26am PDT