Hörður Björgvin býður Arnór velkominn með Víkingaklappi en ruglast alveg á nafninu
Rússneska Meistaradeildarliðið CSKA Moskva keypti í dag íslenska unglingalandsliðsmanninn Arnór Sigurðsson frá sænska liðinu Norrköping.
Arnór verður ekki eini Íslendingurinn hjá félaginu því þar tekur á móti honum landsliðsbakvörðurinn Hörður Björgvin Magnússon.
Hörður Björgvin Magnússon bauð Arnór velkominn með Víkingaklappi á Twitter-síðu CSKA Moskvu í dag eins og sjá má hér fyrir neðan (Færslunni hefur verið eytt).
Viking is coming home! pic.twitter.com/a3LVMj58nQ
— ПФК ЦСКА Москва (@pfc_cska) August 31, 2018
„Aron, velkominn til okkar,“ segir Hörður Björgvin og bendir á CSKA-merkið. Hörður virðist þar aðeins ruglast á nafni landa síns enda heitir strákurinn Arnór en ekki Aron.
Hörður Björgvin áttaði sig á mistökunum og reyndi aftur eins og sjá má hér fyrir neðan. Taka tvö eins og hann orðaði það sjálfur.
Viking is coming home! pic.twitter.com/Xy5Yg2AxiH
— PFC CSKA Moscow (@PFCCSKA_en) August 31, 2018
Arnór Sigurðsson skrifaði undir fimm ára samning við CSKA Moskvu en Hörður Björgvin skrifaði sjálfur undir fjögurra ára samaning í júlí síðastliðnum.
Hörður Björgvin er 25 ára gamall og búinn að vinna sér fast sæti í íslenska landsliðinu en Arnór hélt upp á 19 ára afmælið sitt í maí.
Tengdar fréttir
Arnór genginn í raðir CSKA Moskvu
Skagamaðurinn efnilegi er orðinn leikmaður rússneska stórveldisins.
Milljónum rignir inn á reikning Skagamanna vegna sölu Arnórs
ÍA gerði vel þegar að það seldi Arnór Sigurðsson og er nú að uppskera.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
