Merseyside lögreglan hefur hafið rannsókn á morðhótunum sem Loris Karius, markverði Liverpool, barst eftir úrslitaleik Meistaradeildarinnar á laugardagskvöldið.
Karius gerði sig sekan um tvö skelfileg mistök. Hann kastaði boltanum í Benzema og inn er Real komst í 1-0 en síðar í leiknum missti hann skot Gareth Bale í netið. Liverpool tapaði leiknum 3-1.
Margir létu reiði sína ljós á samskiptamiðlum og þar fékk þýski markvörðurinn heldur betur að heyra það. Mörg ummælin voru ljót og lögreglan í Liverpool fylgist grannt með.
„Merseyside lögreglan getur staðfest það að við erum meðvitaðir um nokkur hatursfull ummæli gegn fótboltaleikmanni á samskiptamiðlum,” segir lögreglan í yfirlýsingu.
„Við tökum ummæli á samskiptamiðlum mjög alvarlega. Við viljum minna á það að illgjörn ummæli á samskptamiðlum og hótanir verða rannsakaðar.”
Lögreglan rannsakar morðhótanir sem Karius barst á samskiptamiðlum
Tengdar fréttir
Karius bað stuðningsmenn Liverpool afsökunar
Loris Karius átti slæman dag er Liverpool tapaði 3-1 fyrir Real Madrid í úrslitaleik Meistaradeildarinnar en Karius gerði slæm mistök í tveimur mörkum Real.
Bale kláraði Liverpool og Real meistari þriðja árið í röð
Þriðja árið í röð stendur Real Madrid uppi sem sigurvegari í Meistaradeild Evrópu. Þetta árið unnu þeir Liverpool 3-1 í úrslitaleiknum í Kænugarði.
Sjáðu stórbrotna hjólhestaspyrnu Bale og mistök Karius
Real Madrid vann í kvöld Meistaradeild Evrópu þriðja árið í röð er liðið vann 3-1 sigur á Liverpool í úrslitaleiknum í Kiev í kvöld.
Karius: Við komum sterkari til baka
„Ég hef í rauninni ekkert sofið. Atvikin eru enn að renna í gegnum huga mér,“ segir Loris Karius, en hann gerðist sekur um skelfileg mistök í úrslitaleik Meistaradeildarinnar í gær.
