Gylfi lék seinni hálfleikinn í fyrsta leik Swansea á undirbúningstímabilinu

Gylfi Þór Sigurðsson lék seinni hálfleikinn þegar Swansea City tapaði 1-0 fyrir Barnet í fyrsta æfingaleik liðsins í sumar.

Íslenski landsliðsmaðurinn hefur verið sterklega orðaður við Everton og Leicester City í sumar.

Swansea hefur hins vegar lítinn áhuga á að selja sinn besta mann og skellti 50 milljóna punda verðmiða á Gylfa.

Swansea heldur í æfingaferð til Bandaríkjanna á morgun og Everton vill klára kaupin á Gylfa áður en hann fer upp í vél.

Félagi Gylfa í íslenska landsliðinu, Birkir Bjarnason, lék með Aston Villa í 0-3 sigri á Kidderminster í æfingaleik í kvöld. Þetta var fyrsti leikur Birkis með Villa í nokkra mánuði en hann missti af lokaspretti síðasta tímabils vegna meiðsla.