Fyrrum landsliðsmaður handtekinn fyrir akstur undir áhrifum

Trevor Sinclair, fyrrum leikmaður Manchester City og fótboltasérfræðingur BBC, var handtekinn í gærkvöld.

Lögreglan í Lancashire var kölluð að heimili Sinclair í Lytham í norður Englandi vegna kvartana um hávaða.

Talsmaður lögreglunnar sagði að þegar lögregluna bar að garði hafi maðurinn yfirgefið heimilið í bifreið sinni.

Stuttu seinna hafi lögreglan fundið bifreiðina eftir að hún hafi átt í samstuði við kvenkyns vegfaranda sem hlaut minniháttar áverka.

Ökumaðurinn, sem nú hefur verið nafngreindur sem Sinclair, var handtekinn á staðnum vegna gruns um akstur undir áhrifum og líkamsárás.

Sinclair spilaði fyrir City, West Ham, QPR og Blackpool á ferli sínum sem og 12 landsleiki fyrir England.

Sinclair tók til samfélagsmiðla í gærkvöld og lýsti yfir óánægju sinni með að lögreglan var kölluð til heimilis hans og sagðist vera fórnarlamb kynþáttafordóma.

Racist old bill all over the Sinclair residence again tonight. Thank god as a black man ive not fallen asleep again #Rascist

— Trevor Sinclair (@trevor8sinclair) November 12, 2017