United tilbúið að leyfa Fellaini að fara frítt

Manchester United er tilbúið að leyfa Maraoune Fellaini að fara frítt í sumar í staðinn fyrir að selja hann í janúar.

Samningur Fellainis rennur út næsta sumar. United hefur átt í viðræðum við Belgann um nýjan samning en þær hafa engu skilað.

David Moyes keypti Fellaini frá Everton á lokadegi félagaskiptagluggans sumarið 2013.

Fellaini hefur ekki alltaf verið vinsæll meðal stuðningsmanna United en virðist vera búinn að vinna þá á sitt band.

Fellaini hefur leikið 142 leiki fyrir United og skorað 19 mörk.