Sara Björk Gunnarsdóttir lék síðustu 13 mínúturnar þegar Wolfsburg bar sigurorð af Jena, 1-2, í þýsku úrvalsdeildinni í fótbolta í dag.
Þetta var fyrsti leikur Wolfsburg eftir vetrarfríið.
Wolfsburg hefur unnið fjóra leiki í röð en liðið er í 2. sæti deildarinnar með 26 stig, fjórum stigum á eftir toppliði Potsdam.
Sara hefur komið við sögu í 10 deildarleikjum hjá Wolfsburg á tímabilinu.
Næsti leikur Wolfsburg er gegn Sand eftir viku.
Sara Björk og stöllur hennar koma vel undan vetrarfríinu
