ÍR náði í stig gegn Fram

Fram var nálægt því að vinna annan leik sinn í röð en liðið mátti sætta sig við 2-2 jafntefli gegn ÍR í Breiðholtinu í kvöld.

Hilmar Þór Kárason kom ÍR þó yfir undir lok fyrri hálfleiks en Guðmundur Magnússon skoraði tvívegis um miðbik síðari hálfleiksins, bæði eftir stoðsendingu Ivan Bubalo, og kom Fram yfir, 2-1.

Andri Jónasson tryggði þó ÍR-ingum jafntefli með marki á 87. mínútu leiksins. Indriði Áki Þorláksson komst nálægt því að tryggja Fram sigur undir lokin en Helgi Freyr Þorsteinsson varði vel frá honum í marki ÍR.

Fram er í áttunda sæti deilarinnar með nítján stig en ÍR í því tíunda með tólf, fjórum stigum frá fallsæti.

Upplýsingar um markaskorara frá Fótbolti.net.