Sjáið Gylfa á æfingu hjá Swansea | Myndband

Gylfi Þór Sigurðsson er þessa stundina á æfingu hjá Swansea City og velska félagið býður stuðningsmönnum sínum og öðrum áhugasömum upp á það að fylgjast með æfingunni í beinni.

Það hefur verið mikið skrifað um framtíð Gylfa hjá Swansea en velska félagið var ekki tilbúið að selja hann til Leicester City eða Everton fyrir 40 milljónir punda.

Swansea vill fá 50 milljónir punda fyrir sinn besta leikmann og eins og staðan er í það þá eru mestar líkur á því að Gylfi spili áfram með Swansea City.

Það efast enginn um mikilvægi íslenska landsliðsmannsins fyrir liðið enda á hann mestan þátt í því að liðið hefur haldið sæti sínu í ensku úrvalsdeildinni undanfarin tvö tímabil.

Hér fyrir neðan má sjá æfinguna hjá Swansea.