Adam Sandler stal senunni á Cannes með því að minna á að hann getur leikið Birgir Olgeirsson skrifar 21. maí 2017 19:45 Adam Sandler á rauða dreglinum í Cannes. Vísir/EPA Kvikmyndahátíðin í frönsku borginni Cannes er í fullum gangi en þar hefur streymisveitan Netflix verið til mikillar umræðu og áhrif hennar á framtíð kvikmynda. Ákvörðun forsvarsmanna kvikmyndahátíðarinnar að leyfa myndir frá Netflix á hátíðinni hafa valdið miklum deilum, en hingað til höfðu kvikmyndir sem höfðu verið forsýndar í kvikmyndahúsum rétt til þátttöku. Eru margir ósáttir við að kvikmyndir sem ekki hafa verið frumsýndar á hvíta tjaldinu fái að taka þátt á þessari virtustu kvikmyndahátíð heims.Adam Sandler ásamt eiginkonu sinni Jackie í Cannes.Vísir/EPANú þegar hafa tvær myndir frá Netflix verið sýndar á Cannes og segir blaðamaður Mashable að hvort sem fólk sé sammála um tilverurétt Netflix á hátíðinni eða ekki, þá sé það á hreinu að streymisveitan hafi fært áhorfendum á Cannes eitthvað sérstakt. Kvikmyndin The Meyerowitz Stories, sem var sýnd í dag, er nefnd því til sönnunar. Hún er sögð hjartnæm, fyndin og handrit hennar afburða gott. Um er að ræða eina af myndum Netflix sem sýnd er á Cannes en fyrir nokkrum dögum var Netflix-myndin Okja sýnd á hátíðinni og hlaut mikið lof. „Það sem er kannski hvað minnisstæðast við þessa mynd, er að hún sýnir hversu fjári góður leikari Adam Sandler getur verið í réttu hlutverki,“ skrifar Sam Haysom. Myndin segir frá brotinni fjölskyldu þar sem meðlimir hennar kljást allir við einhverskonar tilvistarkreppu. Dustin Hoffman leikur fjölskylduföðurinn sem horfir með söknuð á eftir listamannsferli sínum. Adam Sandler leikur annan af sonum hans, Danny, sem er atvinnulaus faðir sem er nýskilinn við eiginkonu sína. Ben Stiller leikur hálfbróður hans sem á nokkurri velgengni að fagna í sínu lífi, en það hefur gert það að verkum að hann hefur fjarlægst systkini sín. Emma Thompson leikur eiginkonu Dustin Hoffman í þessari mynd, en sú glímir við mikla áfengisfíkn. Emma Marvel leikur síðan dóttur Dustin Hoffman í þessari mynd sem ber harm sinn í hljóði eftir að hafa orðið fyrir miklu áfalli.Ben Stiller, Dustin Hoffman og Adam Sandler fara með hlutverk í myndinni The Meyerowitz Stories.Vísir/EPABandaríska tímaritið Variety rifjar upp að Adam Sandler hafi verið hrókur alls fagnaðar á Cannes fyrir fimmtán árum þegar myndin Punch Drunk Love var sýnd þar og fékk fínar viðtökur. Þar hafi hann sýnt og sannað að hann getur tekið að sér alvarleg hlutverk, og geri það aftur í The Meyerowitz Stories. „Ég trúði því ekki að ég væri að fara að leika í þessari mynd,“ hefur Variety eftir Sandler á fundi með blaðamönnum á Cannes fyrr í dag. Hann sagðist hafa elskað handrit myndarinnar frá fyrsta lestri. „Það er öðruvísi fyrir grínista þegar hann færi tilboð líkt og þetta. Það fyrsta sem ég hugsaði var að ég vildi ekki bregðast neinum og þyrfti því að leggja mikið á mig til að kynna mér efnið og vera eins góður og ég mögulega get.“Leikstjórinn Pedro Almodovar er formaður dómnefndar Cannes í ár en hann sagði á blaðamannafundi í síðustu viku að hann gæti ekki hugsað sér að veita kvikmynd sem ekki var frumsýnd í kvikmyndahúsi Gullpálmann eftirsótta. Hann sagði það ekki vera sömu upplifun að sjá myndir á sjónvarpsskjá. Það sé hluti af áhorfi kvikmynda að upplifa þær á risastórum skjá. „Hann sagði það líka um Happy Gilmore,“ sagði Ben Stiller stríðinn á blaðamannafundinum fyrr í dag, en hann fór með lítið hlutverk í þessari gamanmynd Adam Sandler sem kom út á tíunda áratug síðustu aldar, þegar ummæli Almadovar voru borin upp. Adam Sandler hefur átt misjöfnu gengi að fagna undafarin ár. Flestar af myndunum sem hann hefur leikið í síðastliðinn áratug hafa fengið útreið hjá gagnrýnendum og aðsóknin í kvikmyndahúsum ekkert sérstök, en hann hefur hins vegar malað gull á streymisveitum og gerði til að mynda samning um gerð fjölda kvikmynda við streymisveituna Netflix fyrir nokkru. Cannes Netflix Mest lesið „Þetta styrkti mig rosalega en þetta braut mig líka“ Tónlist Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Bakaríið í beinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Kvikmyndahátíðin í frönsku borginni Cannes er í fullum gangi en þar hefur streymisveitan Netflix verið til mikillar umræðu og áhrif hennar á framtíð kvikmynda. Ákvörðun forsvarsmanna kvikmyndahátíðarinnar að leyfa myndir frá Netflix á hátíðinni hafa valdið miklum deilum, en hingað til höfðu kvikmyndir sem höfðu verið forsýndar í kvikmyndahúsum rétt til þátttöku. Eru margir ósáttir við að kvikmyndir sem ekki hafa verið frumsýndar á hvíta tjaldinu fái að taka þátt á þessari virtustu kvikmyndahátíð heims.Adam Sandler ásamt eiginkonu sinni Jackie í Cannes.Vísir/EPANú þegar hafa tvær myndir frá Netflix verið sýndar á Cannes og segir blaðamaður Mashable að hvort sem fólk sé sammála um tilverurétt Netflix á hátíðinni eða ekki, þá sé það á hreinu að streymisveitan hafi fært áhorfendum á Cannes eitthvað sérstakt. Kvikmyndin The Meyerowitz Stories, sem var sýnd í dag, er nefnd því til sönnunar. Hún er sögð hjartnæm, fyndin og handrit hennar afburða gott. Um er að ræða eina af myndum Netflix sem sýnd er á Cannes en fyrir nokkrum dögum var Netflix-myndin Okja sýnd á hátíðinni og hlaut mikið lof. „Það sem er kannski hvað minnisstæðast við þessa mynd, er að hún sýnir hversu fjári góður leikari Adam Sandler getur verið í réttu hlutverki,“ skrifar Sam Haysom. Myndin segir frá brotinni fjölskyldu þar sem meðlimir hennar kljást allir við einhverskonar tilvistarkreppu. Dustin Hoffman leikur fjölskylduföðurinn sem horfir með söknuð á eftir listamannsferli sínum. Adam Sandler leikur annan af sonum hans, Danny, sem er atvinnulaus faðir sem er nýskilinn við eiginkonu sína. Ben Stiller leikur hálfbróður hans sem á nokkurri velgengni að fagna í sínu lífi, en það hefur gert það að verkum að hann hefur fjarlægst systkini sín. Emma Thompson leikur eiginkonu Dustin Hoffman í þessari mynd, en sú glímir við mikla áfengisfíkn. Emma Marvel leikur síðan dóttur Dustin Hoffman í þessari mynd sem ber harm sinn í hljóði eftir að hafa orðið fyrir miklu áfalli.Ben Stiller, Dustin Hoffman og Adam Sandler fara með hlutverk í myndinni The Meyerowitz Stories.Vísir/EPABandaríska tímaritið Variety rifjar upp að Adam Sandler hafi verið hrókur alls fagnaðar á Cannes fyrir fimmtán árum þegar myndin Punch Drunk Love var sýnd þar og fékk fínar viðtökur. Þar hafi hann sýnt og sannað að hann getur tekið að sér alvarleg hlutverk, og geri það aftur í The Meyerowitz Stories. „Ég trúði því ekki að ég væri að fara að leika í þessari mynd,“ hefur Variety eftir Sandler á fundi með blaðamönnum á Cannes fyrr í dag. Hann sagðist hafa elskað handrit myndarinnar frá fyrsta lestri. „Það er öðruvísi fyrir grínista þegar hann færi tilboð líkt og þetta. Það fyrsta sem ég hugsaði var að ég vildi ekki bregðast neinum og þyrfti því að leggja mikið á mig til að kynna mér efnið og vera eins góður og ég mögulega get.“Leikstjórinn Pedro Almodovar er formaður dómnefndar Cannes í ár en hann sagði á blaðamannafundi í síðustu viku að hann gæti ekki hugsað sér að veita kvikmynd sem ekki var frumsýnd í kvikmyndahúsi Gullpálmann eftirsótta. Hann sagði það ekki vera sömu upplifun að sjá myndir á sjónvarpsskjá. Það sé hluti af áhorfi kvikmynda að upplifa þær á risastórum skjá. „Hann sagði það líka um Happy Gilmore,“ sagði Ben Stiller stríðinn á blaðamannafundinum fyrr í dag, en hann fór með lítið hlutverk í þessari gamanmynd Adam Sandler sem kom út á tíunda áratug síðustu aldar, þegar ummæli Almadovar voru borin upp. Adam Sandler hefur átt misjöfnu gengi að fagna undafarin ár. Flestar af myndunum sem hann hefur leikið í síðastliðinn áratug hafa fengið útreið hjá gagnrýnendum og aðsóknin í kvikmyndahúsum ekkert sérstök, en hann hefur hins vegar malað gull á streymisveitum og gerði til að mynda samning um gerð fjölda kvikmynda við streymisveituna Netflix fyrir nokkru.
Cannes Netflix Mest lesið „Þetta styrkti mig rosalega en þetta braut mig líka“ Tónlist Fréttatía vikunnar: Lögreglan, körfubolti og frambjóðendur Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Fjórar dýrindis diskósúpur úr hráefnum sem annars hefði verið hent Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Bakaríið í beinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira