Vítaspyrnukeppni til styrktar vildarbarna Icelandair

Næstkomandi laugardag stendur Fótbolti.net fyrir veglegri vítaspyrnukeppni þriðja árið í röð þar sem vítaskytta Íslands verður krýnd.

Keppnin fer að þessu sinni fram á Þróttaravelli en með því að taka þátt styrkir fólk gott málefni um leið.  Keppnin er fram á Þróttaravelli klukkan 14:00 á laugardag en klukkan 16:00 sama dag mætast Valur og ÍBV í úrslitaleik Borgunarbikars karla á Laugardalsvelli.

Þátttökugjald í vítaspyrnukeppninni er 1000 krónur en allur ágóði rennur í ferð fyrir Vildarbörn Icelandair. Vildabörn Icelandair eru sameiginlegt átak Icelandair og viðskiptavina til stuðnings veikum börnum og fjölskyldum þeirra. 

Í fyrra söfnuðust yfir 400 þúsund krónur fyrir Vildarbörn og markið er sett ennþá hærra í ár.  Sigurvegarinn í keppninni fær gjafabréf frá Icelandair en um er að ræða flugmiða fyrir tvo til Evrópu. 

Markverðir úr Pepsi-deildinni og 1. deildinni munu standa á milli stanganna líkt og í fyrra.  Keppt er þar til að einn sigurvegari stendur eftir og hann verður vítaskytta Íslands árið 2016!  Keppni hefst klukkan 14:00 en skráning verður á staðnum og hefst hún klukkan 13:30.

Ekkert aldurstakmark er í keppninni sem er opin öllum.  Hægt verður að kaupa sig aftur inn í keppnina eftir nokkrar umferðir fyrir hærra verð ef þú dettur út. 3000 krónur kostar að koma inn í 3. umferð, 5000 í 5. umferð og 10 þúsund kostar að koma inn í 7. umferð. Sá peningur rennur einnig í ferðina fyrir Vildarbörn Icelandair.