Leicester gladdi syrgjandi níu ára dreng

Þeir eru margir sem halda með Leicester City í baráttunni um enska meistaratitilinn en Öskubuskuævintýri liðsins í vetur hefur verið með ólíkindum. Það er stutt í mars og Leicester er enn á toppi deildarinnar.

Aðdáun margra á félaginu minnkaði síðan ekki er greint var frá frábærum viðbrögðum félagsins til þess að hressa við níu ára gamlan dreng sem var nýbúinn að missa móður sína. Nánar tiltekið tveimur dögum áður en honum var boðið að heimsækja félagið.

Drengurinn heitir Charlie Keyworth og frændi hans hafði samband við félagið og spurði hvort það gæti ekki gert eitthvað fyrir hann. Annar frændi Charlies hafði spilað með Leicester á sínum tíma. Hann skoraði meðal annars þrennu fyrir félagið á sex mínútum gegn Man. Utd árið 1963.

Skelfilega erfið vika

„Eina sem Charlie vildi gera var að kíkja í búðina og kaupa sér könnu og lyklakippu. Hann fékk miklu meira en það og náði að gleyma öllu öðru á meðan,“ sagði faðir drengsins þakklátur.

Leicester fékk sagnfræðing félagsins til liðs við sig og lét hann sína Charlie ýmsa muni sem tengdust frænda hans. Hann fékk að skoða allan völlinn og gera annað skemmtilegt.

„Með nánast engum fyrirvara rúllaði Leicester út rauða dreglinum fyrir drenginn. Takk fyrir, Leicester. Takk fyrir,“ sagði frændinn sem stóð fyrir heimsókninni.

„Þetta var skelfilega erfið vika fyrir Charlie en hún endaði á einhverju jákvæðu og skildi eftir sig góðar minningar á erfiðum tímum.“

Faðir drengsins þakkaði Leicester fyrir í hjartnæmum pistli sem hefur verið í mikilli dreifingu á netinu.

Leicester City. Proper football club. As I've mentioned in the past, my uncle played for Leicester in the 60s and was...

Posted by Rob Keyworth on Saturday, February 20, 2016