Katrín segir henta sumum að útmála VG sem afturhaldsflokk Heimir Már Pétursson skrifar 14. desember 2016 19:45 Formaður Vinstri grænna segir að langt hafi verið á milli þeirra og Viðreisnar varðandi fjármögnun velferðarkerfisins. Vinstri græn hafi ekki verið á móti kerfisbreytingum í sjávarútvegi og landbúnaði. Nú sé best að pólitískar línur flokkanna fái að koma fram við afgreiðslu fjárlaga áður en lengra verði haldið við myndun stjórnar. Það er lítið að gerast í stjórnarmyndunartilraunum þessar klukkustundirnar á yfirborðinu alla vega. En eftir að slitnaði öðru sinni upp úr viðræðum fimm flokka um myndun ríkisstjórnar, fer ólíkum sögum af því hvers vegna samstarfið gekk ekki upp. Benedikt Jóhannesson formaður Viðreisnar hefur sagt að allir flokkarnir nema Vinstri græn hafi talað um að setja um sjö milljarða í heilbrigðis- og menntamálin á meðan Vinstri græn hafi verið að tala um 27 milljarða í aukin útgjöld og tekjur vegna uppbyggingar innviða. Það rímar ekki alveg við það sem þingmaður Pírata sagði í fréttum okkar í gær. „Ég sé ekki betur en við höfum verið komin langt með það, 26 milljarða eða þar um bil.“Að stoppa í það gat? „Já og það væri strax á fyrsta árinu áður en við förum að taka tillit til annarra breytinga sem gætu átt sér stað t.d. með því að taka upp almennilegt fiskveiðistjórnunarkerfi,“ sagði Smári. Katrín Jakobsdóttir formaður Vinstri grænna telur samstöðuna ekki hafa náð til allara flokka. „Það hefur komið fram hjá bæði mér og formanni Viðreisnar að í fyrsta lagi að þótt allir flokkar hafi verið sammála um að forgangsraða í þágu heilbrigðismála og menntamála, voru menn ekki á eitt sáttir um hversu mikið ætti að auka útgjöld í næstu fjárlögum,“ segir Katrín. Þá hafi verið langt á milli flokka þegar horft var til lengri tíma, eða næstu fimm ára, um hvaða aðgerðum ætti að beita til tekjuöflunar. Lengst hafi verið á milli Vinstri grænna og Viðreisnar. Og voru það þá helst þessi mál þar sem steytti á skeri með, eða voru það líka sjávarútvegs- og landbúnaðarmálin? „Auðvitað liggur fyrir að í sjávarútvegsmálunum voru menn ekki á eitt sáttir með útfærslur. Þó að allir þessir flokkar séu sammála í þeim línum að það eigi að innkalla aflaheimildir. Þá liggur fyrir að menn voru ekki á eitt sáttir um útfærslu; til hversu langs tíma ætti að endurráðstafa þeim og fleira slíkt,“ segir formaður Vinstri grænna. Heilbrigðis- og menntamálin og hvernig tryggja mætti aukin jöfnuð í samfélaginu hafi skipt Vinstri græn mestu máli. Flokkurinn sé ekki á móti kerfisbreytingum í bæði sjávarútvegi og landbúnaði. „Og mér fannst satt að segja ekki jafn langt á milli flokkanna í þeim efnum og sumir vilja gefa í skyn. Enda höfum við talað fyrir því að þar verði umhverfissjónarmið og lýðheilsusjónarmið höfð í fyrirrúmi í auknum mæli og fleira slíkt. En auðvitað hentar það sumum að stilla þessu svona upp.“Sumum hverjum? „Það hentar þeim sem vilja þá benda á okkur sem einhvern afturhaldsflokk. Sem auðvitað er fjarri sanni,“ segir Katrín. Nú sé best að leyfa flokkunum að athafna sig við afgreiðslu fjárlaga og sjá hvaða pólitísku línur birtist þar. „Þetta sýnir grundvallatriði í pólitík. Það er að segja hvernig við viljum byggja upp þetta samfélag. Hvernig við viljum tryggja aukinn jöfnuð í samfélaginu. Hvernig við viljum að velferðarkerfið nýtist öllum.“Þannig að út úr þessu fæðist kannski nýársstjórnin? „Hver veit,“ segir Katrín Jakobsdóttir. Mest lesið Eiginmaður íslenskrar konu lét sig hverfa rétt eftir brúðkaupið Innlent Kona réðst að sjö ára dreng við Smáraskóla Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Hafa „góða hugmynd“ hvar og hvenær stúlkunni var ráðinn bani Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Sjá meira
Formaður Vinstri grænna segir að langt hafi verið á milli þeirra og Viðreisnar varðandi fjármögnun velferðarkerfisins. Vinstri græn hafi ekki verið á móti kerfisbreytingum í sjávarútvegi og landbúnaði. Nú sé best að pólitískar línur flokkanna fái að koma fram við afgreiðslu fjárlaga áður en lengra verði haldið við myndun stjórnar. Það er lítið að gerast í stjórnarmyndunartilraunum þessar klukkustundirnar á yfirborðinu alla vega. En eftir að slitnaði öðru sinni upp úr viðræðum fimm flokka um myndun ríkisstjórnar, fer ólíkum sögum af því hvers vegna samstarfið gekk ekki upp. Benedikt Jóhannesson formaður Viðreisnar hefur sagt að allir flokkarnir nema Vinstri græn hafi talað um að setja um sjö milljarða í heilbrigðis- og menntamálin á meðan Vinstri græn hafi verið að tala um 27 milljarða í aukin útgjöld og tekjur vegna uppbyggingar innviða. Það rímar ekki alveg við það sem þingmaður Pírata sagði í fréttum okkar í gær. „Ég sé ekki betur en við höfum verið komin langt með það, 26 milljarða eða þar um bil.“Að stoppa í það gat? „Já og það væri strax á fyrsta árinu áður en við förum að taka tillit til annarra breytinga sem gætu átt sér stað t.d. með því að taka upp almennilegt fiskveiðistjórnunarkerfi,“ sagði Smári. Katrín Jakobsdóttir formaður Vinstri grænna telur samstöðuna ekki hafa náð til allara flokka. „Það hefur komið fram hjá bæði mér og formanni Viðreisnar að í fyrsta lagi að þótt allir flokkar hafi verið sammála um að forgangsraða í þágu heilbrigðismála og menntamála, voru menn ekki á eitt sáttir um hversu mikið ætti að auka útgjöld í næstu fjárlögum,“ segir Katrín. Þá hafi verið langt á milli flokka þegar horft var til lengri tíma, eða næstu fimm ára, um hvaða aðgerðum ætti að beita til tekjuöflunar. Lengst hafi verið á milli Vinstri grænna og Viðreisnar. Og voru það þá helst þessi mál þar sem steytti á skeri með, eða voru það líka sjávarútvegs- og landbúnaðarmálin? „Auðvitað liggur fyrir að í sjávarútvegsmálunum voru menn ekki á eitt sáttir með útfærslur. Þó að allir þessir flokkar séu sammála í þeim línum að það eigi að innkalla aflaheimildir. Þá liggur fyrir að menn voru ekki á eitt sáttir um útfærslu; til hversu langs tíma ætti að endurráðstafa þeim og fleira slíkt,“ segir formaður Vinstri grænna. Heilbrigðis- og menntamálin og hvernig tryggja mætti aukin jöfnuð í samfélaginu hafi skipt Vinstri græn mestu máli. Flokkurinn sé ekki á móti kerfisbreytingum í bæði sjávarútvegi og landbúnaði. „Og mér fannst satt að segja ekki jafn langt á milli flokkanna í þeim efnum og sumir vilja gefa í skyn. Enda höfum við talað fyrir því að þar verði umhverfissjónarmið og lýðheilsusjónarmið höfð í fyrirrúmi í auknum mæli og fleira slíkt. En auðvitað hentar það sumum að stilla þessu svona upp.“Sumum hverjum? „Það hentar þeim sem vilja þá benda á okkur sem einhvern afturhaldsflokk. Sem auðvitað er fjarri sanni,“ segir Katrín. Nú sé best að leyfa flokkunum að athafna sig við afgreiðslu fjárlaga og sjá hvaða pólitísku línur birtist þar. „Þetta sýnir grundvallatriði í pólitík. Það er að segja hvernig við viljum byggja upp þetta samfélag. Hvernig við viljum tryggja aukinn jöfnuð í samfélaginu. Hvernig við viljum að velferðarkerfið nýtist öllum.“Þannig að út úr þessu fæðist kannski nýársstjórnin? „Hver veit,“ segir Katrín Jakobsdóttir.
Mest lesið Eiginmaður íslenskrar konu lét sig hverfa rétt eftir brúðkaupið Innlent Kona réðst að sjö ára dreng við Smáraskóla Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Hafa „góða hugmynd“ hvar og hvenær stúlkunni var ráðinn bani Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Sjá meira