Sótt að Óttarri úr öllum áttum Tryggvi Páll Tryggvason skrifar 12. nóvember 2016 11:16 Óttarr Proppé og Bjarni Benediktsson. vísir/anton brink Stjórnmálamenn og áhrifafólk á vinstri væng stjórnmálanna virðist ekki vera yfir sig hrifið af ákvörðun Bjartrar framtíðar um að taka þátt í stjórnarmyndunarviðræðum með Sjálfstæðisflokknum og Viðreisn. Björt framtíð vann náið með flokkum til vinstri í stjórnarandstöðunni á nýliðnu kjörtímabili en virðist nú vera að líta til hægri. Formlegar stjórnarmyndunarviðræður flokkanna hófust í dag og sitja nú formenn flokkanna þriggja á fundi í fjármálaráðuneytinu þar sem ræða á stjórnarsáttmála og það er helst nýir þingmenn Pírata sem virðast vera ósáttir við Óttarr og Bjarta framtíð en Píratar buðu meðal annars Bjartri framtíð formlega til þreifinga um stjórnarmyndun fyrir kosningarnar, sem Björt framtíð tók þátt í.Jón Þór Ólafsson, þingmaður Pírata.Vísir„Þetta hefur verið gríðarlega niðurdrepandi ár fyrir frjálslyndi í stjórnmálum, en ég átti ekki von á því að Björt Framtíð yrði að þriðja hjóli íhaldsmanna,“ segir Smári McCarthy oddviti Pírata í Suðurkjördæmi á Facebook-síðu sinni. „Ég er rosalega sáttur við að tilheyra flokki sem stendur á prinsípum sínum“ Jón Þór Ólafsson, oddviti Pírata í Suðvesturkjördæmi, segir að Óttar Proppé sé „vingjarnlegasti og kurteisasti maður sem þið hittið“. Jón Þór spáir því þó að í ríkisstjórnarsamstarfi með Sjálfstæðisflokknum muni Óttarr verða hataður. „Eflaust þolir hann ekki að vera hataður eins og mun gerast þegar hann styður aftur og aftur og aftur spillingu forystu XD í þingsal, á nefndarfundum, í atkvæðagreiðslum,“ skrifar Jón Þór á Facebook-síðu sína.Gunnar Hrafn Jónsson, nýbakaður þingmaður Pírata er, líkt og Jón, ekki vongóður um framtíð Bjartrar framtíðar í þeirri ríkisstjórn sem nú er verið að reyna að smíða. Hann telur að slík ríkisstjórn myndi standa veikum fótum. „Það má búast við linnulausri stórskotahríð stjórnarandstöðunnar á þinginu ef þessi veika 32 þingmanna ríkisstjórn verður að veruleika. Ég get ekki trúað því að hún hefði burði til að hanga lengi en kannski er það partur af planinu. Það yrði þá þriðja ríkisstjórn Sjálfstæðismanna í röð sem ekki næði að klára heilt kjörtímabil og tækist sennilega að stúta BF endanlega í leiðinni, stöðugleiki indeed,“ skrifar Gunnar Hrafn.Það eru þó ekki eingöngu Píratar sem beina spjótum sínum að Bjartri framtíð og Óttarri. Líf Magneudóttir, borgarfulltrúi VG, hreinlega trúir því ekki að flokkurinn ætli sér í ríkisstjórn með Viðreisn og Sjálfstæðisflokki. „Í alvöru BF? Stjórnarsamstarf með tvöföldum Sjálfstæðisflokki? Jæja - þá er draumurinn um margra radda félagshyggjuríkisstjórn kannski endanlega úti. Bö. Allir tapa,“ skrifar Líf en fyrir kosningar horfðu margir til þess samstarfs sem Píratar lögðu til. Eftir kosningar var rædd um að tækist Bjarna Benediktssyni, formanni Sjálfstæðisflokksins, ekki að mynda ríkisstjórn ætti Katrín Jakobsdóttir, formaður VG, að fá tækifæri til að mynda ríkisstjórn. Hallgrímur Helgason rithöfundur leggur orð í belg við Facebook-skrif Lífar og segir það ótrúlegt að Björt framtíð hafi ekki horft fyrst til vinstri. „Hræðilegt að BF skuli ekki fyrst láta reyna á vinstristjórn eða stjórn til vinstri,“ skrifar Hallgrímur. Þá sagðist Svandís Svavarsdóttir, þingmaður VG, vera hissa á því hversu fljótt Björt framtíð hefði horft til hægri en Svandís var gestur í Vikulokunum á Rás 1 fyrir hádegi. Ég held að mörgum hafi orðið hvelft við, vegna þess hversu hratt Björt framtíð sneri sér við eftir kosningar. Það er ljóst að flokkurinn vildi ekki reyna á það samtarf sem lagt hafði verið upp með,“ sagði Svandís og vísaði þar til þeirra viðræðna sem áttu sér stað á milli Pírata, Samfylkingar, VG og Bjartrar framtíðar fyrir kosningar.Benedikt Jóhannesson og Óttarr Proppé hafa myndað bandalag í stjórnarmyndunarviðræðunum.vísir/Anton BrinkÞá eru einnig skiptar skoðanir innan Bjartrar framtíðar um ágætis þess að hefja viðræður við Viðreisn og Sjálfstæðisflokkinn líkt og kom fram í Fréttablaðinu í dag. Í samtali við fréttastofu fyrr í dag sagði Óttar Proppé að þrátt fyrir þessar skiptu skoðanir væri flokkurinn í stjórnmálum til þess að hafa áhrif og því sé rétt að kann möguleikann á því að sitja í ríkisstjórn. „Það er alveg augljóst að menn hafa haft mismunandi skoðanir á flokkum og við höfum verið að taka þátt í öflugri stjórnarandstöðu. En það er skilningur á því að við erum í pólitík til að hafa áhrif og koma okkar frjálslyndri miðjupólítik áfram. Út á það ganga stjórnarmyndunarviðræður að sjá hvort að það sé möguleiki að hafa áhrif til góðs.“ Óttarr segir að menn séu hóflega bjartsýnir á að geta myndað ríkisstjórn en ekkert sé þó víst í þeim efnum. „Það er nokkuð ljóst í mörgum grundvallaratriðum er talsvert langt á milli þessara flokka miðað við hvernig talað var í kosningabaráttunni. Það þarf heilmikið til að menn nái saman.“ Kosningar 2016 Mest lesið Tilkynnt um mann vopnaðan skotvopni og einn handtekinn Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent „Ég skipaði þá aðila sem ég taldi hæfasta“ Innlent Skrifa nú undir samninginn sem féll af borðinu eftir hitafundinn Erlent Hiti gæti náð fimmtán stigum Veður Gefur lítið fyrir tal um fyrningu Innlent Fleiri fréttir Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Sjá meira
Stjórnmálamenn og áhrifafólk á vinstri væng stjórnmálanna virðist ekki vera yfir sig hrifið af ákvörðun Bjartrar framtíðar um að taka þátt í stjórnarmyndunarviðræðum með Sjálfstæðisflokknum og Viðreisn. Björt framtíð vann náið með flokkum til vinstri í stjórnarandstöðunni á nýliðnu kjörtímabili en virðist nú vera að líta til hægri. Formlegar stjórnarmyndunarviðræður flokkanna hófust í dag og sitja nú formenn flokkanna þriggja á fundi í fjármálaráðuneytinu þar sem ræða á stjórnarsáttmála og það er helst nýir þingmenn Pírata sem virðast vera ósáttir við Óttarr og Bjarta framtíð en Píratar buðu meðal annars Bjartri framtíð formlega til þreifinga um stjórnarmyndun fyrir kosningarnar, sem Björt framtíð tók þátt í.Jón Þór Ólafsson, þingmaður Pírata.Vísir„Þetta hefur verið gríðarlega niðurdrepandi ár fyrir frjálslyndi í stjórnmálum, en ég átti ekki von á því að Björt Framtíð yrði að þriðja hjóli íhaldsmanna,“ segir Smári McCarthy oddviti Pírata í Suðurkjördæmi á Facebook-síðu sinni. „Ég er rosalega sáttur við að tilheyra flokki sem stendur á prinsípum sínum“ Jón Þór Ólafsson, oddviti Pírata í Suðvesturkjördæmi, segir að Óttar Proppé sé „vingjarnlegasti og kurteisasti maður sem þið hittið“. Jón Þór spáir því þó að í ríkisstjórnarsamstarfi með Sjálfstæðisflokknum muni Óttarr verða hataður. „Eflaust þolir hann ekki að vera hataður eins og mun gerast þegar hann styður aftur og aftur og aftur spillingu forystu XD í þingsal, á nefndarfundum, í atkvæðagreiðslum,“ skrifar Jón Þór á Facebook-síðu sína.Gunnar Hrafn Jónsson, nýbakaður þingmaður Pírata er, líkt og Jón, ekki vongóður um framtíð Bjartrar framtíðar í þeirri ríkisstjórn sem nú er verið að reyna að smíða. Hann telur að slík ríkisstjórn myndi standa veikum fótum. „Það má búast við linnulausri stórskotahríð stjórnarandstöðunnar á þinginu ef þessi veika 32 þingmanna ríkisstjórn verður að veruleika. Ég get ekki trúað því að hún hefði burði til að hanga lengi en kannski er það partur af planinu. Það yrði þá þriðja ríkisstjórn Sjálfstæðismanna í röð sem ekki næði að klára heilt kjörtímabil og tækist sennilega að stúta BF endanlega í leiðinni, stöðugleiki indeed,“ skrifar Gunnar Hrafn.Það eru þó ekki eingöngu Píratar sem beina spjótum sínum að Bjartri framtíð og Óttarri. Líf Magneudóttir, borgarfulltrúi VG, hreinlega trúir því ekki að flokkurinn ætli sér í ríkisstjórn með Viðreisn og Sjálfstæðisflokki. „Í alvöru BF? Stjórnarsamstarf með tvöföldum Sjálfstæðisflokki? Jæja - þá er draumurinn um margra radda félagshyggjuríkisstjórn kannski endanlega úti. Bö. Allir tapa,“ skrifar Líf en fyrir kosningar horfðu margir til þess samstarfs sem Píratar lögðu til. Eftir kosningar var rædd um að tækist Bjarna Benediktssyni, formanni Sjálfstæðisflokksins, ekki að mynda ríkisstjórn ætti Katrín Jakobsdóttir, formaður VG, að fá tækifæri til að mynda ríkisstjórn. Hallgrímur Helgason rithöfundur leggur orð í belg við Facebook-skrif Lífar og segir það ótrúlegt að Björt framtíð hafi ekki horft fyrst til vinstri. „Hræðilegt að BF skuli ekki fyrst láta reyna á vinstristjórn eða stjórn til vinstri,“ skrifar Hallgrímur. Þá sagðist Svandís Svavarsdóttir, þingmaður VG, vera hissa á því hversu fljótt Björt framtíð hefði horft til hægri en Svandís var gestur í Vikulokunum á Rás 1 fyrir hádegi. Ég held að mörgum hafi orðið hvelft við, vegna þess hversu hratt Björt framtíð sneri sér við eftir kosningar. Það er ljóst að flokkurinn vildi ekki reyna á það samtarf sem lagt hafði verið upp með,“ sagði Svandís og vísaði þar til þeirra viðræðna sem áttu sér stað á milli Pírata, Samfylkingar, VG og Bjartrar framtíðar fyrir kosningar.Benedikt Jóhannesson og Óttarr Proppé hafa myndað bandalag í stjórnarmyndunarviðræðunum.vísir/Anton BrinkÞá eru einnig skiptar skoðanir innan Bjartrar framtíðar um ágætis þess að hefja viðræður við Viðreisn og Sjálfstæðisflokkinn líkt og kom fram í Fréttablaðinu í dag. Í samtali við fréttastofu fyrr í dag sagði Óttar Proppé að þrátt fyrir þessar skiptu skoðanir væri flokkurinn í stjórnmálum til þess að hafa áhrif og því sé rétt að kann möguleikann á því að sitja í ríkisstjórn. „Það er alveg augljóst að menn hafa haft mismunandi skoðanir á flokkum og við höfum verið að taka þátt í öflugri stjórnarandstöðu. En það er skilningur á því að við erum í pólitík til að hafa áhrif og koma okkar frjálslyndri miðjupólítik áfram. Út á það ganga stjórnarmyndunarviðræður að sjá hvort að það sé möguleiki að hafa áhrif til góðs.“ Óttarr segir að menn séu hóflega bjartsýnir á að geta myndað ríkisstjórn en ekkert sé þó víst í þeim efnum. „Það er nokkuð ljóst í mörgum grundvallaratriðum er talsvert langt á milli þessara flokka miðað við hvernig talað var í kosningabaráttunni. Það þarf heilmikið til að menn nái saman.“
Kosningar 2016 Mest lesið Tilkynnt um mann vopnaðan skotvopni og einn handtekinn Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent „Ég skipaði þá aðila sem ég taldi hæfasta“ Innlent Skrifa nú undir samninginn sem féll af borðinu eftir hitafundinn Erlent Hiti gæti náð fimmtán stigum Veður Gefur lítið fyrir tal um fyrningu Innlent Fleiri fréttir Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Sjá meira