Man. Utd kláraði Leicester í fyrri hálfleik

Manchester United vann loksins deildarleik þegar liðið tók á móti Englandsmeisturum Leicester á Old Trafford. Leikurinn fór 4-1 og var staðan 4-0 í hálfleik.

Það voru þeir Chris Smalling, Juan Mata, Marcus Rashford og Paul Pogba sem skoruðu sitt markið hver fyrir United og komu þau öll í fyrri hálfleik.

Demarai Gray skoraði eina mark Leicester í leiknum og kom það hálftíma fyrir leikslok.

Wayne Rooney var ekki í byrjunarliði Manchester United í dag og spurning hvort hann sé að missa sætið sitt í liðinu.

United er í þriðja sæti deildarinnar með 12 stig en Leicester er í því tólfta með sjö stig.