Ranieri framlengir við Englandsmeistara Leicester

Kraftaverkamaðurinn Claudio Ranieri hefur skrifað undir nýjan samning við Englandsmeistara Leicester City. Nýi samningurinn gildir til ársins 2020.

Ranieri tók við Leicester síðasta tímabil og kom öllum á óvart með því að gera liðið að Englandsmeisturum í fyrsta sinn í sögu þess.

Leicester tapaði aðeins þremur af 38 leikjum sínum í fyrra og vann ensku úrvalsdeildina með 10 stigum.

Hinn 64 ára gamli Ranieri hefur farið víða á löngum ferli en áður en hann tók við Leicester stýrði hann gríska landsliðinu með litlum árangri.

Leicester hefur titilvörn sína þegar liðið sækir Hull City heim í upphafsleik ensku úrvalsdeildarinnar í hádeginu á laugardaginn.

We are delighted to confirm that Claudio Ranieri has signed a new contract to June, 2020! #ranierilcfc pic.twitter.com/RgUd2It12K

— Leicester City (@LCFC) August 10, 2016