Umfjöllun, viðtöl og einkunnir: Breiðablik - KR 1-0 | Höskuldur hetja Blika gegn KR | Sjáðu markið Stefán Árni Pálsson á Kópavogsvelli skrifar 22. maí 2016 22:15 Breiðablik náði að svara fyrir óvænt tap gegn Þrótti í síðustu umferð með mikilvægum 1-0 sigri á KR á heimavelli í kvöld en með sigrinum lyftu Blikar sér upp í 5. sæti Pepsi-deildarinnar. KR-ingar voru sterkari aðilinn í fyrri hálfleik en Blikar komust yfir eftir frábæra sókn á 35. mínútu. Skallaði þá Höskuldur Gunnlaugsson boltann í netið eftir frábæra fyrirgjöf frá Davíði Kristjáni Ólafssyni. KR-ingar voru mun meira með boltann í seinni hálfleik en þeim gekk illa að skapa færi. Indriði Sigurðsson virtist hafa jafnað fyrir KR tuttugu mínútum fyrir leikslok en línuvörðurinn dæmdi rangstöðu sem reyndist vera rangur dómur í endursýningu. KR-ingar reyndu að sækja eftir það en náðu ekki að ógna marki Gunnleifs Gunnleifssonar af neinni alvöru og lauk leiknum því með naumum 1-0 sigri Blika.Af hverju vann Breiðablik?Blikarnir mættu bara grimmir inn í þennan leik og voru ákveðnir alveg frá fyrstu mínútu leiksins. Það munaði kannski ekki miklu á liðunum í kvöld en spilið hjá þeim grænu á síðasta þriðjungi vallarins var bara mun markvissara og betra en hjá þeim svarthvítu. Oliver Sigurjónsson hélt ákveðnari ró inni á miðjunni hjá Breiðablik og reyndist það mjög mikilvægt upp á uppspil heimamanna. En allt hefst þetta í vörninni hjá Blikum og hún stóð sína plikt einfaldlega betur en hjá KR.Þessir stóðu upp úrDamir Muminovic og Oliver Sigurjónsson eru menn sem mynda ákveðna hryggjarsúlu liðs Breiðabliks ásamt Jonathan Glenn í framlínunni. Þeir tveir fyrrnefndu voru frábærir í kvöld. Damir var magnaður í vörn Blika og lítið sem ekkert fór í gegnum hann. Blikar hefðu jafnvel verið í vandræðum ef miðvörðurinn hefði ekki verið inná. Oliver Sigurjónsson var einnig frábær á miðjunni hjá Breiðablik og Höskuldur Gunnlaugsson skoraði flott mark sem skildi liðin að. Þessi menn stóðu upp úr. Hjá KR var Kennie Knak Chopart nokkuð sprækur og reyndi eins og hann gat að skapa eitthvað. Óskar Örn Hauksson var einnig flottur í liði KR í kvöld. Morten Beck Andersen kom inn á í síðari hálfleiknum og breytti nokkuð mikið gangi leiksins fyrir gestina í KR. Sóknarleikur liðsins varð betri og þeir hættulegri.Hvað gekk illa?KR-ingar verða að skoða spilið á síðasta þriðjungi vallarins og ná að tengja saman sendingar mun betur. Það vantaði alltaf upp á gæðin í lokasendingunni, þessari úrslitasendingu og lið eiga þá erfitt með að skora. Hólmbert Aron Friðjónsson, sóknarmaður KR, hefur nú skoraði eitt mark í síðustu 14 leikjum KR í Pepsi-deildinni. Hann þarf einfaldlega að gera mun betur og henda sér í gang. Hólmbert kemur of mikið til baka, í stað þess að einbeita sér alfarið að því að vera upp á topp. Hann hefur ekki hraða, en hann hefur hæð, styrk og gæði fram á við. Hólmbert þarf að spila upp á sína styrkleika.Hvað gerist næst?KR-ingar mæta Valsmönnum í baráttunni um Reykjavík í næstu umferð og liðið verður einfaldlega að vinna þann leik ætli það sér að vera með í toppbaráttunni. Blikar fara í Garðabæinn og mæta Stjörnunni. Það verður rosalegur leikur og getur Breiðablik þá heldur betur stimplað sig inn í toppbaráttuna. Arnar: Mjög feginn þegar ég sá flaggið uppiArnar er þjálfari Breiðabliks.vísir/anton„Númer 1,2 og 3 var bara mikil barátta í mínum mönnum og skilaði það þessum sigri,“ segir Arnar Grétarsson, þjálfari Breiðabliks, eftir sigurinn. „Menn voru staðráðnir í því að koma til baka eftir tapið á móti Þrótti og við vissum það fyrirfram að þetta yrði erfitt og þetta yrði barningur. Völlurinn býður kannski ekki upp á mikið spil og voru KR-ingarnir meira með boltann en við en voru ekki að skapa sér mikið í kvöld.“ Arnar segist vera gríðarlega sáttur með þessi þrjú stig, alveg sama hvernig þau komu. „Í dag sköpuðum við okkur nokkur færi, sem við nýtum og það er kannski munurinn á leiknum í kvöld og á móti Þrótti í síðustu umferð.“ Hann segist ekki hafa séð atvikið þegar Indriði skoraði markið sem var dæmt af. „Ég sá bara boltann í markinu og var mjög feginn þegar ég sá línuvörðinn með flaggið uppi.“ Indriði: Þetta er auðvitað bara skandall en svona er þessi fótboltiIndriði Sigurðsson, fyrirliði KR.vísir/ernir„Fyrst og fremst erum við betri stóran part af þessum leik og því er þetta hálfsúrt,“ segir Indriði Sigurðsson, nærum því markaskorari KR, eftir leikinn í kvöld. „Við missum aðeins dampinn þegar við fáum á okkur markið og það á ekki að gerast, við eigum bara að núllstilla okkur og halda áfram.“ Indriði að liðið hafi ekki verið nægilega ákveðið í boxinu. „Fótbolti snýst um að skora mörk og það sýndi sig í dag. Þeir fá eitt færi og skora, og svo er spurning hvort þetta hafi verið rangstæða.“ Indriði fékk fréttir af því frá blaðamanni að þetta hafi í raun aldrei verið rangstæða. „Það er auðvitað bara skandall. Blikarnir fá eitt færi sem þeir skora úr og það er dæmt af okkur mark. Svona er samt þessi blessaði fótbolti.“ Bjarni: Getur rétt ímyndað þér hversu svekktur ég erBjarni Guðjónsson, þjálfari KR.vísir/stefán„Í fyrri hálfleiknum fannst mér við vera heilt yfir betra liðið fyrir utan þessa einu sókn sem þeir fá og skora úr,“ segir Bjarni Guðjónsson, þjálfari KR, eftir leikinn í kvöld. „Við missum einbeitinguna í smá stund, og þeir skora. Annars eru við bara fínir í hálfleiknum. Það var erfitt við þá að eiga í seinni hálfleiknum. Þeir lögðust enn meira til baka og ég hefði viljað sjá okkur skapa fleiri færi.“ Bjarni sagðist hafa séð mark Indriða sem löglegt og var nokkuð hissa á dómnum. „Þú getur rétt ímyndað þér hversu svekktur ég er en ég græði lítið á því að kvarta undan því hér.“ Hann segist ekki vera ánægður með uppskeruna eftir fimm umferðir. Einn sigur og þrjú jafntefli. Oliver: Við vorum duglegri en KR-ingarnirOliver í leik með Blikum.Vísir/Anton„Þetta var mikill baráttusigur og við vorum búnir að undirbúa okkur fyrir slíkan leik,“ segir Oliver Sigurjónsson, leikmaður Breiðabliks, eftir sigurinn. „Við stóðumst prófið í kvöld og skoruðum einu marki meira en hinir. Við spiluðum ekkert betur í leiknum í kvöld en í leiknum á móti Þrótti, við bara nýtum færin.“ Hann segir að liðið hafi verið hörkuduglegt í kvöld og sérstaklega til baka. „Við vinnum þennan leik útaf því að við vorum bara duglegri en KR-ingar. Við verjum betur og sýnum karakter í okkar liði.“ Oliver segir að liðið hafi sýnt í kvöld að liðið ætli sér að vera í toppbaráttunni í kvöld. Mest lesið Stuðningurinn ómetanlegur: „Farið í dýpstu leyndarmálin“ Sport Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Uppgjörið: Grindavík - Keflavík 96-71 | Gulklæddir flengdu Keflvíkinga Körfubolti Joselu hetjan þegar Real Madrid fór í úrslit í enn eitt skiptið Fótbolti Gummi Ben og félagar tímamældu leiktafir KR-ingsins Íslenski boltinn Bleyjur og klósettpappír áhorfenda kostuðu ÍBV Handbolti Rekinn þrátt fyrir að vera tilnefndur sem þjálfari ársins Enski boltinn Enrique hneykslaður: „Er þér alvara?“ Fótbolti Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn Uppgjörið: Breiðablik - Stjarnan 5-1| Blikar kláruðu dæmið í fyrri hálfleik Íslenski boltinn Fleiri fréttir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni Sjá meira
Breiðablik náði að svara fyrir óvænt tap gegn Þrótti í síðustu umferð með mikilvægum 1-0 sigri á KR á heimavelli í kvöld en með sigrinum lyftu Blikar sér upp í 5. sæti Pepsi-deildarinnar. KR-ingar voru sterkari aðilinn í fyrri hálfleik en Blikar komust yfir eftir frábæra sókn á 35. mínútu. Skallaði þá Höskuldur Gunnlaugsson boltann í netið eftir frábæra fyrirgjöf frá Davíði Kristjáni Ólafssyni. KR-ingar voru mun meira með boltann í seinni hálfleik en þeim gekk illa að skapa færi. Indriði Sigurðsson virtist hafa jafnað fyrir KR tuttugu mínútum fyrir leikslok en línuvörðurinn dæmdi rangstöðu sem reyndist vera rangur dómur í endursýningu. KR-ingar reyndu að sækja eftir það en náðu ekki að ógna marki Gunnleifs Gunnleifssonar af neinni alvöru og lauk leiknum því með naumum 1-0 sigri Blika.Af hverju vann Breiðablik?Blikarnir mættu bara grimmir inn í þennan leik og voru ákveðnir alveg frá fyrstu mínútu leiksins. Það munaði kannski ekki miklu á liðunum í kvöld en spilið hjá þeim grænu á síðasta þriðjungi vallarins var bara mun markvissara og betra en hjá þeim svarthvítu. Oliver Sigurjónsson hélt ákveðnari ró inni á miðjunni hjá Breiðablik og reyndist það mjög mikilvægt upp á uppspil heimamanna. En allt hefst þetta í vörninni hjá Blikum og hún stóð sína plikt einfaldlega betur en hjá KR.Þessir stóðu upp úrDamir Muminovic og Oliver Sigurjónsson eru menn sem mynda ákveðna hryggjarsúlu liðs Breiðabliks ásamt Jonathan Glenn í framlínunni. Þeir tveir fyrrnefndu voru frábærir í kvöld. Damir var magnaður í vörn Blika og lítið sem ekkert fór í gegnum hann. Blikar hefðu jafnvel verið í vandræðum ef miðvörðurinn hefði ekki verið inná. Oliver Sigurjónsson var einnig frábær á miðjunni hjá Breiðablik og Höskuldur Gunnlaugsson skoraði flott mark sem skildi liðin að. Þessi menn stóðu upp úr. Hjá KR var Kennie Knak Chopart nokkuð sprækur og reyndi eins og hann gat að skapa eitthvað. Óskar Örn Hauksson var einnig flottur í liði KR í kvöld. Morten Beck Andersen kom inn á í síðari hálfleiknum og breytti nokkuð mikið gangi leiksins fyrir gestina í KR. Sóknarleikur liðsins varð betri og þeir hættulegri.Hvað gekk illa?KR-ingar verða að skoða spilið á síðasta þriðjungi vallarins og ná að tengja saman sendingar mun betur. Það vantaði alltaf upp á gæðin í lokasendingunni, þessari úrslitasendingu og lið eiga þá erfitt með að skora. Hólmbert Aron Friðjónsson, sóknarmaður KR, hefur nú skoraði eitt mark í síðustu 14 leikjum KR í Pepsi-deildinni. Hann þarf einfaldlega að gera mun betur og henda sér í gang. Hólmbert kemur of mikið til baka, í stað þess að einbeita sér alfarið að því að vera upp á topp. Hann hefur ekki hraða, en hann hefur hæð, styrk og gæði fram á við. Hólmbert þarf að spila upp á sína styrkleika.Hvað gerist næst?KR-ingar mæta Valsmönnum í baráttunni um Reykjavík í næstu umferð og liðið verður einfaldlega að vinna þann leik ætli það sér að vera með í toppbaráttunni. Blikar fara í Garðabæinn og mæta Stjörnunni. Það verður rosalegur leikur og getur Breiðablik þá heldur betur stimplað sig inn í toppbaráttuna. Arnar: Mjög feginn þegar ég sá flaggið uppiArnar er þjálfari Breiðabliks.vísir/anton„Númer 1,2 og 3 var bara mikil barátta í mínum mönnum og skilaði það þessum sigri,“ segir Arnar Grétarsson, þjálfari Breiðabliks, eftir sigurinn. „Menn voru staðráðnir í því að koma til baka eftir tapið á móti Þrótti og við vissum það fyrirfram að þetta yrði erfitt og þetta yrði barningur. Völlurinn býður kannski ekki upp á mikið spil og voru KR-ingarnir meira með boltann en við en voru ekki að skapa sér mikið í kvöld.“ Arnar segist vera gríðarlega sáttur með þessi þrjú stig, alveg sama hvernig þau komu. „Í dag sköpuðum við okkur nokkur færi, sem við nýtum og það er kannski munurinn á leiknum í kvöld og á móti Þrótti í síðustu umferð.“ Hann segist ekki hafa séð atvikið þegar Indriði skoraði markið sem var dæmt af. „Ég sá bara boltann í markinu og var mjög feginn þegar ég sá línuvörðinn með flaggið uppi.“ Indriði: Þetta er auðvitað bara skandall en svona er þessi fótboltiIndriði Sigurðsson, fyrirliði KR.vísir/ernir„Fyrst og fremst erum við betri stóran part af þessum leik og því er þetta hálfsúrt,“ segir Indriði Sigurðsson, nærum því markaskorari KR, eftir leikinn í kvöld. „Við missum aðeins dampinn þegar við fáum á okkur markið og það á ekki að gerast, við eigum bara að núllstilla okkur og halda áfram.“ Indriði að liðið hafi ekki verið nægilega ákveðið í boxinu. „Fótbolti snýst um að skora mörk og það sýndi sig í dag. Þeir fá eitt færi og skora, og svo er spurning hvort þetta hafi verið rangstæða.“ Indriði fékk fréttir af því frá blaðamanni að þetta hafi í raun aldrei verið rangstæða. „Það er auðvitað bara skandall. Blikarnir fá eitt færi sem þeir skora úr og það er dæmt af okkur mark. Svona er samt þessi blessaði fótbolti.“ Bjarni: Getur rétt ímyndað þér hversu svekktur ég erBjarni Guðjónsson, þjálfari KR.vísir/stefán„Í fyrri hálfleiknum fannst mér við vera heilt yfir betra liðið fyrir utan þessa einu sókn sem þeir fá og skora úr,“ segir Bjarni Guðjónsson, þjálfari KR, eftir leikinn í kvöld. „Við missum einbeitinguna í smá stund, og þeir skora. Annars eru við bara fínir í hálfleiknum. Það var erfitt við þá að eiga í seinni hálfleiknum. Þeir lögðust enn meira til baka og ég hefði viljað sjá okkur skapa fleiri færi.“ Bjarni sagðist hafa séð mark Indriða sem löglegt og var nokkuð hissa á dómnum. „Þú getur rétt ímyndað þér hversu svekktur ég er en ég græði lítið á því að kvarta undan því hér.“ Hann segist ekki vera ánægður með uppskeruna eftir fimm umferðir. Einn sigur og þrjú jafntefli. Oliver: Við vorum duglegri en KR-ingarnirOliver í leik með Blikum.Vísir/Anton„Þetta var mikill baráttusigur og við vorum búnir að undirbúa okkur fyrir slíkan leik,“ segir Oliver Sigurjónsson, leikmaður Breiðabliks, eftir sigurinn. „Við stóðumst prófið í kvöld og skoruðum einu marki meira en hinir. Við spiluðum ekkert betur í leiknum í kvöld en í leiknum á móti Þrótti, við bara nýtum færin.“ Hann segir að liðið hafi verið hörkuduglegt í kvöld og sérstaklega til baka. „Við vinnum þennan leik útaf því að við vorum bara duglegri en KR-ingar. Við verjum betur og sýnum karakter í okkar liði.“ Oliver segir að liðið hafi sýnt í kvöld að liðið ætli sér að vera í toppbaráttunni í kvöld.
Mest lesið Stuðningurinn ómetanlegur: „Farið í dýpstu leyndarmálin“ Sport Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Uppgjörið: Grindavík - Keflavík 96-71 | Gulklæddir flengdu Keflvíkinga Körfubolti Joselu hetjan þegar Real Madrid fór í úrslit í enn eitt skiptið Fótbolti Gummi Ben og félagar tímamældu leiktafir KR-ingsins Íslenski boltinn Bleyjur og klósettpappír áhorfenda kostuðu ÍBV Handbolti Rekinn þrátt fyrir að vera tilnefndur sem þjálfari ársins Enski boltinn Enrique hneykslaður: „Er þér alvara?“ Fótbolti Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn Uppgjörið: Breiðablik - Stjarnan 5-1| Blikar kláruðu dæmið í fyrri hálfleik Íslenski boltinn Fleiri fréttir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni Sjá meira
Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn
Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn