Leiknir á toppnum | Fyrsta mark Fram | Myndir

Leiknismenn eru með níu stig eftir fyrstu þrjá leikina í Inkasso-deild karla, en Leiknismenn unnu á Selfossi í dag. Fram og Haukar skildu jöfn á Laugardalsvelli.

Kári Pétursson, lánsmaður frá Stjörnunni, gerði eina mark leiksins, en hann skoraði á 36. mínútu. Lokatölur 1-0.

Leiknir er á toppnum með níu stig eftir þrjá leiki, en Selfoss er með þrjú stig eftir leikina þrjá.

Á Laugardalsvelli skildu Fram og Haukar jöfn, 1-1. Haukarnir náðu forystunni í fyrri hálfleik, en Framarar jöfnuðu í síðari hálfleik með sínu fyrsta marki í sumar.

Haukar eru með fjögur stig eftir fyrstu þrjá leikina, en Fram er með eitt.

Vilhelm Gunnarsson, ljósmyndari 365, var á Laugardalsvelli í kvöld og tók meðfylgjandi myndir.

Úrslit og markaskorarar kvöldsins (fengið frá urslit.net):

Selfoss - Leiknir R. 0-1

0-1 Kári Pétursson (36.).

Fam - Haukar 1-1

0-1 Haukur Ásberg Hilmarsson (40.), 1-1 Ivan Bubalo (65.).