Dregið í átta liða úrslitin bikarsins: Chelsea heimsækir Everton

Dregið var í átta liða úrslit enska bikarsins nú rétt í þessu, en dregið var á Wembley. Everton og Chelsea mætast í stórleik umferðarinnar.

Everton, sem komst áfram með sigri á Bournemouth í gær, mætir Chelsea á Goodison Park, en Chelsea rúllaði yfir Manchester City í dag.

Vinni Arsenal útileikinn gegn Hull mæta þeir Watford á heimavelli og nái Manchester United að vinna Schrewsbury á morgun fær liðið West Ham í heimsókn á Old Trafford.

Að lokum mætast svo Reading og Crystal Palace, en leikirnir munu fara fram daganna ellefta til fjórtánda mars.

Undanúrslita- og úrslitaleikirnir fara svo fram á Wembley.

8-liða úrslitin:

Shrewsbury/Manchester United - West Ham

Arsenal/Hull - Watford

Everton - Chelsea

Reading - Crystal Palace