Chelsea fékk á sig jöfnunarmark í lokin | Sjáið mörk Chelsea

James McClean tryggði West Brom 2-2 jafntefli á móti Chelsea í kvöld þegar liðin mættust á Stamford Bridge í ensku úrvalsdeildinni í fótbolta.

Chelsea komst tvisvar yfir í leiknum en jöfnunarmark James McClean kom fjórum mínútum fyrir leikslok.

Chelsea hafði komist yfir öðru sinni í leiknum þegar Gareth McAuley varð fyrir því óláni að skora sjálfsmark á 73. mínútu en sú forysta hélt aðeins í sextán mínútur.

Bakvörðurinn César Azpilicueta kom Chelsea í 1-0 á 20. mínútu en markið kom eftir stoðsendingu frá hinum bakverði Chelsea-liðsins, Branislav Ivanović.

Craig Gardner jafnaði metin fyrir West Brom á 33. mínútu og þannig var staðan í hálfleik.

West Brom hefur þar með náð í sjö stig í síðustu þremur deildarleikjum en liðið vann Newcastle og Stoke í leikjunum á undan.

Chelsea gat unnið sinn þriðja leik í röð í öllum keppnum en varð að sætta sig við þriðja jafnteflið síðan að Guus Hiddink tók við liðinu.

César Azpilicueta kemur Chelsea í 1-0 Mark hjá Kenedy eða sjálfsmark