Fær biðlaun sem ráðherra í hálft ár

Stjórnmál Hanna Birna Kristjánsdóttir, fyrrverandi innanríkisráðherra, er ekki á launum frá Alþingi meðan hún er í leyfi. Þetta staðfestir Helgi Bernódusson, skrifstofustjóri Alþingis. Hanna Birna óskaði eftir leyfi frá þingstörfum af persónulegum ástæðum, án þingfararkaups, 4. desember. Hún kveðst ekki munu snúa aftur á þing fyrr en í mars og er ástæða fjarvistar hennar því óbreytt hjá Alþingi. Hanna Birna þiggur þó biðlaun í sex mánuði frá innanríkisráðuneytinu. Í skriflegu svari Jóhannesar Tómassonar, upplýsingafulltrúa ráðuneytisins, hefur ráðherra, samkvæmt lögum um þingfararkaup alþingismanna, sem starfað hefur í eitt ár eða lengur sem slíkur rétt á sex mánaða biðlaunum. Laun fyrir önnur störf á eru dregin frá biðlaunum. Þórey Vilhjálmsdóttir, sem lét af störfum sem aðstoðarmaður Hönnu Birnu þegar hún sagði af sér, fær biðlaun í þrjá mánuði. - fbj