Fimm bílaverkstæði sektuð

Neytendastofa hefur sektað fimm hjólbarðaverkstæði í kjölfar könnunar stofnunarinnar á ástandi verðmerkinga. Neytendastofa fór í heimsóknir á hjólbarðaverkstæði á höfuðborgarsvæðinu í þeim tilgangi að skoða verðmerkingar og fengu þau fyrirtæki sem stofnunin gerði athugasemdir við fyrirmæli um að lagfæra verðmerkingar sínar svo ekki þyrfti að koma til frekari aðgerða af hálfu stofnunarinnar.

Þegar skoðunum var fylgt eftir kom í ljós að fimm bifreiðaverkstæði höfðu ekki gert fullnægjandi lagfæringar á verðmerkingum sínum. Því hefur Neytendastofa nú lagt 50 þúsund króna stjórnvaldssekt á hjólbarðaverkstæðin Bíla-áttuna Smiðjuvegi, Bílkó Smiðjuvegi, KvikkFix Hvaleyrarbraut, MAX1-Bílavaktina Bíldshöfða, og Vöku Skútuvogi.

Nánar má lesa um úrskurðina fimm á vef Neytendastofu.