Níunda stórmót Ásdísar á sjö árum Óskar Ófeigur Jónsson skrifar 27. ágúst 2015 07:00 Ásdís Hjálmsdóttir hefur verið í fremstu röð spjótkastara í heiminum um árabil. Grafík/Fréttablaðið Spjótkastarinn Ásdís Hjálmsdóttir er enn á ný mætt á stóra svið frjálsu íþróttanna til að reyna sig meðal þeirra bestu í heimi. Hin kornunga Aníta Hinriksdóttir steig sín fyrstu skref á HM fullorðinna þegar hún var nálægt sæti í undanúrslitum 800 metra hlaupsins aðfaranótt miðvikudagsins en nú er komið að reynslubolta Íslendinga þegar kemur að því að keppa á stærstu frjálsíþróttamótum heims. Ásdís Hjálmsdóttir hefur ein Íslendinga ekki misst úr stórmót í sjö ár og er núna að fara að keppa á sínu fjórða heimsmeistaramóti. Ásdís missti síðast af stórmóti þegar heimsmeistaramótið fór fram í Ósaka í Japan haustið 2007 en Ásdís glímdi þá við meiðsli. Árið eftir tók hún þátt í sínum fyrstu Ólympíuleikum og hefur síðan verið með á öllum mótum, hvort sem það eru Evrópumót, heimsmeistaramót eða Ólympíuleikar.Nú er bara að bíða „Síðasta æfingin er búin og ég hef gert allt sem ég gat til að undirbúa mig. Nú hefst jafnframt biðin. Ég varð vitni að lengsta kasti spjótkastara í fjórtán ár í kvöld og það er mikil hvatning. 44 tímar í alvöruna,“ skrifaði Ásdís inn á Fésbókarsíðu sína í gærkvöldi. Ásdís keppir á föstudagskvöldið að staðartíma í Kína en í hádeginu að íslenskum tíma. Úrslitin fara síðan fram daginn eftir. „Nú er kominn tími til að sýna hvað allt erfiðið hefur skilað mér. Ég hef skilað vinnunni og hef aldrei verið í betra formi á ævinni. Ég get ekki beðið eftir að sýna það og sanna á vellinum föstudaginn 28. ágúst,“ skrifaði Ásdís enn fremur á síðuna sína. Bestum árangri hvað sæti varðar náði Ásdís á Evrópumótinu í Barcelona árið 2010 þegar hún náði 10. sætinu. Afrek hennar á Ólympíuleikunum í London tveimur árum seinna stendur þó upp úr þegar hún setti nýtt glæsilegt Íslandsmet með því að kasta 62,77 metra í undankeppninni en aðeins sjö köstuðu þá lengra en hún. Ásdís náði reyndar ekki að fylgja því alveg eftir í úrslitunum og endaði í 11. sætinu. Ásdís hefur tvisvar komist í úrslit á stórmóti en hún hefur líka þrisvar endað í 13. sæti eða sem fyrsti varamaður inn í úrslitin. Ásdís hefur því þrisvar setið eftir hársbreidd frá því að fá annað tækifæri í úrslitunum, síðast á Evrópumótinu í Zürich í fyrra.Ásdís Hjálmsdóttir.Vísir/GettyNær hún þrennunni? Ásdís á enn eftir að loka þrennunni það er að komast í úrslit á heimsmeistaramóti, en hún hefur bæði komist í úrslit á Evrópumóti sem og á Ólympíuleikum. Til þess að komast í úrslit á morgun þarf Ásdís líklega að kasta 62 metra eða að vera meðal tólf efstu í undankeppninni. Ásdís tryggði sér bæði þátttökurétt á HM í Peking og á Ólympíuleikunum í Ríó þegar hún kastaði 62,14 metra á móti í Ríga í Lettlandi í lok maí. Lágmarkið inn á HM var 61 metri og það þurfti að kasta 62 metra til að öðlast þátttökurétt á Ólympíuleikum. Það er því vitað að Ásdís mun ná því að keppa á sínum þriðju Ólympíuleikum. Fyrr um sumarið 2016 er Evrópumót í Amsterdam í Hollandi og það er líklegur viðkomustaður í undirbúningi Ásdísar fyrir leikana í Ríó. Fyrst á dagskrá er að reyna við úrslitin á heimsmeistaramótinu í Peking. Lítið gekk upp fyrir sjö árum Þegar Ásdís keppti þar á Ólympíuleikunum fyrir sjö árum þá gekk lítið upp. Fyrstu tvö köstin voru ógild og lokakastið náði ekki yfir 49 metra. Nú mætir hins vegar talsvert reynslumeiri íþróttakona til leiks í Fuglahreiðrið í Peking staðráðin í að gera enn betur en ungi herbergisfélaginn hennar Aníta Hinriksdóttir og halda uppi heiðri Íslands í úrslitunum á laugardaginn. Frjálsar íþróttir Ólympíuleikar 2016 í Ríó Mest lesið Bönnuðu henni að eiga kærasta Sport KA-menn kölluðu eftir hjálp sálfræðings Íslenski boltinn Nýkominn til baka eftir sjö mánaða bann en er samt í EM-æfingahóp Fótbolti „Þeir bara börðu okkur út úr þessu“ Körfubolti Uppgjör og viðtöl: Valur - Grindavík 80-62 | Sannfærandi sigur Valsmanna Körfubolti „Ég bara spila minn leik og tek því sem vörnin gefur mér“ Körfubolti Littler vann úrvalsdeildina í pílu í kvöld Sport Jökull nýr framkæmdastjóri Rafíþróttasambands Íslands Rafíþróttir Utan vallar: Landsliðsþjálfarinn sem nennir ekki að koma til Íslands Fótbolti Ísak og félagar með annan fótinn í deild þeirra bestu Fótbolti Fleiri fréttir Dagskráin í dag: Risaslagur í Bestu deild kvenna í fótbolta KA-menn kölluðu eftir hjálp sálfræðings Bönnuðu henni að eiga kærasta Nýkominn til baka eftir sjö mánaða bann en er samt í EM-æfingahóp „Þeir bara börðu okkur út úr þessu“ Jökull nýr framkæmdastjóri Rafíþróttasambands Íslands „Ég bara spila minn leik og tek því sem vörnin gefur mér“ Littler vann úrvalsdeildina í pílu í kvöld Ísak og félagar með annan fótinn í deild þeirra bestu Fjölnismenn á toppinn í Lengjunni Kunnuglegir kappar í liði ársins í NBA og gott fyrir budduna hjá sumum Íslenskur körfubolti áfram á Stöð 2 Sport næstu árin Ómar Ingi með tíu mörk í tíunda sigurleik toppliðsins í röð Uppgjör og viðtöl: Valur - Grindavík 80-62 | Sannfærandi sigur Valsmanna Óðinn skoraði sigurmark Kadetten í lífsnauðsynlegum sigri Harry Maguire missir af bikarúrslitaleiknum Geks áfram með Stólunum: Frábær skotmaður og frábær náungi Bleik spjöld tekin í notkun á Copa América Senda atkvæði sín með pósti frá EM í Þýskalandi Áhorfendur slógust úti á velli og stól kastað í sjónvarpsmenn Paquetá ákærður fyrir að sækjast eftir spjaldi í eigin leikjum Óhræddur við Kane: „Ég er ekki mikið fyrir að tala yfir mig“ Motta tekur við Juventus Vitnaði í Wenger og segir reynslumikið lið mæta til leiks á EM Heimildarmynd um Tryggva Hlinason sýnd á Stöð 2 Sport 2 í kvöld „Langaði að klára þetta og svo ákveða hvað ég geri næst“ Hetja Atalanta í fámennan hóp og fagnaði svo innilega með mömmu sinni Lopetegui tekur við West Ham Utan vallar: Landsliðsþjálfarinn sem nennir ekki að koma til Íslands Skilur ekki fullorðið fólk sem rífur Caitlin Clark niður Sjá meira
Spjótkastarinn Ásdís Hjálmsdóttir er enn á ný mætt á stóra svið frjálsu íþróttanna til að reyna sig meðal þeirra bestu í heimi. Hin kornunga Aníta Hinriksdóttir steig sín fyrstu skref á HM fullorðinna þegar hún var nálægt sæti í undanúrslitum 800 metra hlaupsins aðfaranótt miðvikudagsins en nú er komið að reynslubolta Íslendinga þegar kemur að því að keppa á stærstu frjálsíþróttamótum heims. Ásdís Hjálmsdóttir hefur ein Íslendinga ekki misst úr stórmót í sjö ár og er núna að fara að keppa á sínu fjórða heimsmeistaramóti. Ásdís missti síðast af stórmóti þegar heimsmeistaramótið fór fram í Ósaka í Japan haustið 2007 en Ásdís glímdi þá við meiðsli. Árið eftir tók hún þátt í sínum fyrstu Ólympíuleikum og hefur síðan verið með á öllum mótum, hvort sem það eru Evrópumót, heimsmeistaramót eða Ólympíuleikar.Nú er bara að bíða „Síðasta æfingin er búin og ég hef gert allt sem ég gat til að undirbúa mig. Nú hefst jafnframt biðin. Ég varð vitni að lengsta kasti spjótkastara í fjórtán ár í kvöld og það er mikil hvatning. 44 tímar í alvöruna,“ skrifaði Ásdís inn á Fésbókarsíðu sína í gærkvöldi. Ásdís keppir á föstudagskvöldið að staðartíma í Kína en í hádeginu að íslenskum tíma. Úrslitin fara síðan fram daginn eftir. „Nú er kominn tími til að sýna hvað allt erfiðið hefur skilað mér. Ég hef skilað vinnunni og hef aldrei verið í betra formi á ævinni. Ég get ekki beðið eftir að sýna það og sanna á vellinum föstudaginn 28. ágúst,“ skrifaði Ásdís enn fremur á síðuna sína. Bestum árangri hvað sæti varðar náði Ásdís á Evrópumótinu í Barcelona árið 2010 þegar hún náði 10. sætinu. Afrek hennar á Ólympíuleikunum í London tveimur árum seinna stendur þó upp úr þegar hún setti nýtt glæsilegt Íslandsmet með því að kasta 62,77 metra í undankeppninni en aðeins sjö köstuðu þá lengra en hún. Ásdís náði reyndar ekki að fylgja því alveg eftir í úrslitunum og endaði í 11. sætinu. Ásdís hefur tvisvar komist í úrslit á stórmóti en hún hefur líka þrisvar endað í 13. sæti eða sem fyrsti varamaður inn í úrslitin. Ásdís hefur því þrisvar setið eftir hársbreidd frá því að fá annað tækifæri í úrslitunum, síðast á Evrópumótinu í Zürich í fyrra.Ásdís Hjálmsdóttir.Vísir/GettyNær hún þrennunni? Ásdís á enn eftir að loka þrennunni það er að komast í úrslit á heimsmeistaramóti, en hún hefur bæði komist í úrslit á Evrópumóti sem og á Ólympíuleikum. Til þess að komast í úrslit á morgun þarf Ásdís líklega að kasta 62 metra eða að vera meðal tólf efstu í undankeppninni. Ásdís tryggði sér bæði þátttökurétt á HM í Peking og á Ólympíuleikunum í Ríó þegar hún kastaði 62,14 metra á móti í Ríga í Lettlandi í lok maí. Lágmarkið inn á HM var 61 metri og það þurfti að kasta 62 metra til að öðlast þátttökurétt á Ólympíuleikum. Það er því vitað að Ásdís mun ná því að keppa á sínum þriðju Ólympíuleikum. Fyrr um sumarið 2016 er Evrópumót í Amsterdam í Hollandi og það er líklegur viðkomustaður í undirbúningi Ásdísar fyrir leikana í Ríó. Fyrst á dagskrá er að reyna við úrslitin á heimsmeistaramótinu í Peking. Lítið gekk upp fyrir sjö árum Þegar Ásdís keppti þar á Ólympíuleikunum fyrir sjö árum þá gekk lítið upp. Fyrstu tvö köstin voru ógild og lokakastið náði ekki yfir 49 metra. Nú mætir hins vegar talsvert reynslumeiri íþróttakona til leiks í Fuglahreiðrið í Peking staðráðin í að gera enn betur en ungi herbergisfélaginn hennar Aníta Hinriksdóttir og halda uppi heiðri Íslands í úrslitunum á laugardaginn.
Frjálsar íþróttir Ólympíuleikar 2016 í Ríó Mest lesið Bönnuðu henni að eiga kærasta Sport KA-menn kölluðu eftir hjálp sálfræðings Íslenski boltinn Nýkominn til baka eftir sjö mánaða bann en er samt í EM-æfingahóp Fótbolti „Þeir bara börðu okkur út úr þessu“ Körfubolti Uppgjör og viðtöl: Valur - Grindavík 80-62 | Sannfærandi sigur Valsmanna Körfubolti „Ég bara spila minn leik og tek því sem vörnin gefur mér“ Körfubolti Littler vann úrvalsdeildina í pílu í kvöld Sport Jökull nýr framkæmdastjóri Rafíþróttasambands Íslands Rafíþróttir Utan vallar: Landsliðsþjálfarinn sem nennir ekki að koma til Íslands Fótbolti Ísak og félagar með annan fótinn í deild þeirra bestu Fótbolti Fleiri fréttir Dagskráin í dag: Risaslagur í Bestu deild kvenna í fótbolta KA-menn kölluðu eftir hjálp sálfræðings Bönnuðu henni að eiga kærasta Nýkominn til baka eftir sjö mánaða bann en er samt í EM-æfingahóp „Þeir bara börðu okkur út úr þessu“ Jökull nýr framkæmdastjóri Rafíþróttasambands Íslands „Ég bara spila minn leik og tek því sem vörnin gefur mér“ Littler vann úrvalsdeildina í pílu í kvöld Ísak og félagar með annan fótinn í deild þeirra bestu Fjölnismenn á toppinn í Lengjunni Kunnuglegir kappar í liði ársins í NBA og gott fyrir budduna hjá sumum Íslenskur körfubolti áfram á Stöð 2 Sport næstu árin Ómar Ingi með tíu mörk í tíunda sigurleik toppliðsins í röð Uppgjör og viðtöl: Valur - Grindavík 80-62 | Sannfærandi sigur Valsmanna Óðinn skoraði sigurmark Kadetten í lífsnauðsynlegum sigri Harry Maguire missir af bikarúrslitaleiknum Geks áfram með Stólunum: Frábær skotmaður og frábær náungi Bleik spjöld tekin í notkun á Copa América Senda atkvæði sín með pósti frá EM í Þýskalandi Áhorfendur slógust úti á velli og stól kastað í sjónvarpsmenn Paquetá ákærður fyrir að sækjast eftir spjaldi í eigin leikjum Óhræddur við Kane: „Ég er ekki mikið fyrir að tala yfir mig“ Motta tekur við Juventus Vitnaði í Wenger og segir reynslumikið lið mæta til leiks á EM Heimildarmynd um Tryggva Hlinason sýnd á Stöð 2 Sport 2 í kvöld „Langaði að klára þetta og svo ákveða hvað ég geri næst“ Hetja Atalanta í fámennan hóp og fagnaði svo innilega með mömmu sinni Lopetegui tekur við West Ham Utan vallar: Landsliðsþjálfarinn sem nennir ekki að koma til Íslands Skilur ekki fullorðið fólk sem rífur Caitlin Clark niður Sjá meira