Hraðaksturinn kostaði 140 þúsund

Lögreglan á Suðurnesjum mældi ökumann á 159 kílómetra hraða um helgina. Þar er hámarkshraði 90 kílómetrar á klukkustund. Því bíður hans 140 þúsund króna sekt, svipting ökuleyfis í tvo mánuði og þrír refsipunktar í ökuferilsskrá.

Samkvæmt lögreglunni voru fleiri ökumenn kærðir fyrir hraðakstur, en fóru þeir nokkru hægar en sá ofangreindi.

Þá hafði lögreglan á Suðurnesjum afskipti af ökumanni sem ók bifreið sem hafði ekki verið færð til skoðunar á réttum tíma. Hún reyndist að auki ótryggð þannig að skráningarnúmer voru fjarlægð af henni.

Allmargir ökumenn voru staðnir að því að virða ekki stöðvunarskyldu eða leggja ólöglega um helgina.