Bandaríkin hafði í kvöld betur gegn Þýskalandi í vináttulandsleik þjóðanna, 2-1.
Aron Jóhannsson var í byrjunarliði bandaríska liðsins sem er nú að undirbúa sig fyrir Gullbikarinn, álfukeppni mið- og norður Ameríku, í sumar.
Mario Götze kom heimsmeisturunum yfir snemma leiks en Mix Diskerud jafnaði metin rétt áður en flautað var til leikhlés.
Aron fór af velli á 74. mínútu en þremur mínútum fyrir leikslok tryggði Bobby Wood þeim bandarísku sigur.
Fyrir fáeinum dögum vann Bandaríkin 4-3 sigur á Hollandi, öðru sterku evrópsku liði, í vináttulandsleik.
Aron spilaði er Bandaríkin vann Þýskaland
