Lið Viðars og Sölva tapaði

Viðar Örn, Sölvi Geir og félagar í Jiangsu Guoxin-Sainty töpuðu fyrir  Chongqing Lifan, 2-1, í kínversku úrvalsdeildinni í knattspyrnu í dag.

Ke Sun kom Jiangsu Guoxin-Sainty yfir undir lok fyrri hálfleiksins. Fernandinho jafnaði síðan metin stuttu síðar og var staðan 1-1 í hálfleik. Það var síðan  Emmanuel Gigliotti sem gerði sigurmarkið tuttugu mínútum fyrir leikslok.

Sölvi Geir Ottesen og Viðar Örn Kjartansson léku báðir allan leikinn fyrir Jiangsu Guoxin-Sainty í dag. 

Liðið eru í níunda sæti með 33 stig. Lifan er í því tíunda með 31 stig.