Líklega síðasti leikur Pedro með Barcelona

Leikur Barcelona og Sevilla í Ofurbikarnum í kvöld var hugsanlega síðasti leikur Pedro í búningu katalónska félagsins.

Robert Fernandez, stjórnarmaður hjá Barcelona, staðfesti eftir leikinn að Pedro hefði farið fram á sölu frá félaginu.

„Hann vill fara. Það er hægt að leysa hann undan samningi fyrir ákveðna upphæð sem er ekki umsemjanleg. Þetta gæti hafa verið hans síðasti leikur fyrir okkur," sagði Fernandez.

Ef Pedro var að kveðja þá kveður hann á besta mögulega hátt því hann skoraði sigurmarkið í hreint ótrúlegum leik. Markið má sjá hér að neðan.

Pedro er sagður vera á förum til Man. Utd en félagið leitar nú að arftaka Angel di Maria sem var seldur til PSG á dögunum.