Umfjöllun og viðtöl: Selfoss - Valur 3-2 | Selfoss í úrslit annað árið í röð Árni Jóhannsson á JÁVERK-vellinum skrifar 25. júlí 2015 13:15 Selfoss vann fyrri leik liðanna í Pepsi-deildinni, 1-3. vísir/ernir Það verða Selfyssingar sem leika til úrslita í Borgunarbikarkeppni kvenna árið 2015 eftir að hafa unnið Valskonur á Jáverk vellinum á Selfossi í dag 3-2. Sigurmarkið kom á lokasekúndum leiksins og var mjög dramatískt. Þær mæta Stjörnukonum í úrslitaleiknum þann 29. ágúst næstkomandi á Laugardalsvellinum í Reykjavík. Það var skiljanlega mikil spenna í leikmönnum beggja liða og voru gæði fótboltans eftir því á fyrstu mínútum leiksins. Það dró til tíðinda á 12. mínútu leiksins en þá fengu heimakonur í Selfoss víti þegar brotið var á Guðmundu Brynju Óladóttur. Guðmunda steig sjálf á punktinn en Þórdís María Aikman gerði sér lítið fyrir og varði vítaspyrnuna. Þórdís var þó ekki lengi í paradís því að dómarinn mat það svo að leikmaður hafði farið inn í teig áður en spyrnan var framkvæmd og því þurfti að endurtaka spyrnuna. Skipt var um leikmann en Donna Kay Henry fékk það hlutverk að framkvæma spyrnuna en Þórdís valdi aftur rétt horn og varði vítið einni frá Henry. Staðan því enn 0-0. Það virtist vera að vítaklúður Selfyssinga hafi setið í þeim því Valskonur tóku völdin eftir vítaspyrnunar þar sem þær voru mun beittari á meðan Selfosskonur áttu í stökustu vandræðum með að byggja upp sóknir. Valskonur tóku forystuna á 17. mínútu og var það að verki Elín Metta Jensen sem skoraði mark eftir að boltinn hafði verið skallaður inn í markteig eftir hornspyrnu. Elín var vel staðsett og náði að breyta stefnu boltans þannig að markvörður heimakvenna kom engum vörnum við. Rúmum 12 mínútum síðar voru Valskonur komnar tveimur mörkum yfir. Þar á ferðinni var Lilja Dögg Valþórsdóttir og aftur var skorað eftir fast leikatriði þar sem boltanum var spyrnt að markteignum og Lilja fékk nóg pláss til að athafna sig og skalla boltann yfir markvörð Selfyssinga. Valskonur fengu mörg færi til að komast þremur mörkum yfir en Chante Sandiford sá til þess að forskot Vals var ekki nema tvö mörk. Talað er um að allar stundir séu góðar til að skora mark en rétt fyrir hálfleik hlýtar að teljast með betri tímum til að skora mark eins og Selfyssingar náðu a gera. Thelma Björk Einarsdóttir fékk boltann vinstra meginn við vítateig Vals og þetta virtist vera sending inn í teig en boltinn sveif fallega yfir Þórdísi í marki Vals og söng í hliðarnetinu. Þetta gerðist á 44. mínútu og skömmu síðar flautaði dómarinn til hálfleiks. Selfyssingar voru mun meira með boltann í síðari hálfleik en Valskonur spiluðu varnarleik sinn af mikilli festu þannig að Selfyssingar náðu ekki að skapa sér nógu góð marktækifæri. Valskonur komust þó líka í sín færi og hefðu getað á mörgum augnablikum klárað leikinn en Sandiford markvörður Selfyssinga hélt sínum konum á lífi trekk í trekk. Þar á meðal fengu Vaslkonur vítaspyrnu sem Sandiford varði og þar með voru komnar þrjár vítaspyrnur sem fóru forgörðum í leiknum. Selfyssingar uppskáru síðan jöfnunarmark eftir að hafa verið betri heilt yfir í seinni hálfleik á 79. mínútu. Þar var að verki Dagný Brynjardóttir en boltinn var sendur inn að markteig og náði markvörður Vals ekki að klófesta boltann sem datt fyrir Dagnýju sem þakkaði pent fyrir sig og renndi boltanum í autt markið. Valskonur töldu að brotið hefði verið á markverði sínum en dómarinn var ekki á sama máli. Á þessum tímapunkti héldu allir að leikurinn væri á leið í framlengingu og þótti það nóg af dramatík en hún átti eftir að verða mun meiri því á 92. mínútu skoraði Guðmunda Brynja Óladótti sigurmark leiksins fyrir Selfoss. Thelma Björk Einarsdóttir gaf fyrirgjöf úr aukaspyrnu inn á teig Valskvenna og var Guðmunda mætt fyrst og náði að stanga inn boltann. Allt ætlaði um koll að keyra í stúkunni en aftur voru Valskonur svekktar með að ekkert hafi verið dæmt en það var ekki að sjá að þær hefðu haft eitthvað til síns máls. Selfyssingar fara því í Laugardalinn og mæta þar Stjörnunni og eiga þar harma að hefna en þær töpuðu einmitt fyrir sama liði í fyrra í úrslitaleiknum.Ólafur Tryggvi Brynjarsson: Datt með Selfossi í dag með hjálp dómaranna „Þetta eru mestu vonbrigði sem ég hef upplifað á ævi minni“, sagði þjálfari Valskvenna eftir tap fyrir Selfoss í undanúrslitum Borgunarbikarsins fyrr í dag. „Við vorum með gott Selfoss lið á móti okkur, dómarann á móti okkur og frábæra áhorfendur á móti okkur. Ég er mjög stoltur af mínu liði, því við vorum með allt á móti okkur. Það er nóg að hafa 11 á móti sér en við vorum með dómara sem gefur þeim mörk og aukaspyrnur út um allan völl. Í jöfnunarmarkinu sem við fáum á okkur þá er markvörðurinn okkar keyrð niður með olnboga og öllu, það voru tíu mínútur eftir og ekkert í spilunum að Selfoss væri að fara að skora. En svona er lífið, þetta datt með Selfossi í dag með hjálp dómaranna“, sagði Ólafur mjög svekktur. Hann var spurður hvort að hans mati væru þetta ósanngjörn úrslit: „Mjög, tökum samt ekkert af Selfossi og þessi leikur var mjög flottur. Við fengum samt færi og víti til að klára leikinn en það datt ekki með okkur.“ Valur og Selfoss eigast við í baráttu um þriðja og fjórða sæti deildarinnar og jafnvel hærra og var Ólafur spurður hvaða áhrif þessi úrslit hefðu á lið hans í deildarkeppninni. „Þetta gefur okkur byr undir báða vængi engin spurning. Ef þetta drepur mann ekki þá gerir það mann bara sterkan og við byggjum ofan á það og það var svoleiðis stappað á okkur í dag en við sýndum þvílíkan karakter í dag. En úrslitin í dag voru ótrúlega sár en gefur okkur byr undir báða vængi að halda allavega þriðja sætinu.“Guðmunda Brynja Óladóttir: Sýndum ótrúlegan karakter Hún var að vonum í skýjunum fyrirliði Selfyssinga þegar hún ræddi við blaðamenn eftir ótrúlega dramatískan leik í undanúrslitum Borgunarbikarsins fyrr í dag. „Ég er orðlaus. Þetta var ótrúlega erfiður leikur og var það dálítið erfitt að lenda 2-0 undir í fyrri hálfleik en við sýndum ótrúlegan karakter í að koma til baka og uppskárum eftir því. Þetta eru skemmtilegustu leikirnir. Þetta var leikur markvarðanna, það voru varðar vítaspyrnur og að öðrum ólöstuðum þá eru þær menn leiksins.“ „Við vorum andlausar í fyrri hálfleik og það var erfitt að fá á sig mark í fyrri hálfleik og klúðra vítaspyrnu og það útskýrir afhverju við vorum svona lélegar í fyrri hálfleik. Við unnum samt vel úr því og komum sterkt til baka í seinni hálfleik.“ Guðmunda var einnig spurð út í áhrifin sem svona leikir hafa á deildarkeppnina. „Þetta ætti að hafa gífurlega góð áhrif á okkur þó að bikar og deild séu ekki það sama þá ætti þessi leikur að gefa okkur sjálfstraust. Nú erum við búnar að vinna Val tvisvar í sumar og þá er gott að vera með það í farteskinu í seinni leiknum í sumar.“ Guðmunda var að lokum spurð út í úrslitaleikinn sem verður á móti Stjörnunni. „Við eigum náttúrulega harma að hefna, við erum reynslunni ríkari og hlakkar til að spila við Stjörnuna. Þetta verður bara gaman.“ Pepsi Max-deild kvenna Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Stjarnan handtekin á leiðinni á völlinn: „Hann er á leið í fangelsi“ Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Efsti kylfingur á heimslista á yfir höfði sér fjórar ákærur Golf Grín sem snerist mjög fljótt upp í alvöru Handbolti Upphafshöggi frestað vegna banaslyss skammt frá vellinum Golf Barcelona þarf tæplega tuttugu milljarða fyrir lok júnímánaðar Fótbolti Fjórir af tíu launahæstu íþróttamönnum heims spila í Sádi-Arabíu Fótbolti NFL tekur ekki undir umdeild ummæli Butker Sport Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
Það verða Selfyssingar sem leika til úrslita í Borgunarbikarkeppni kvenna árið 2015 eftir að hafa unnið Valskonur á Jáverk vellinum á Selfossi í dag 3-2. Sigurmarkið kom á lokasekúndum leiksins og var mjög dramatískt. Þær mæta Stjörnukonum í úrslitaleiknum þann 29. ágúst næstkomandi á Laugardalsvellinum í Reykjavík. Það var skiljanlega mikil spenna í leikmönnum beggja liða og voru gæði fótboltans eftir því á fyrstu mínútum leiksins. Það dró til tíðinda á 12. mínútu leiksins en þá fengu heimakonur í Selfoss víti þegar brotið var á Guðmundu Brynju Óladóttur. Guðmunda steig sjálf á punktinn en Þórdís María Aikman gerði sér lítið fyrir og varði vítaspyrnuna. Þórdís var þó ekki lengi í paradís því að dómarinn mat það svo að leikmaður hafði farið inn í teig áður en spyrnan var framkvæmd og því þurfti að endurtaka spyrnuna. Skipt var um leikmann en Donna Kay Henry fékk það hlutverk að framkvæma spyrnuna en Þórdís valdi aftur rétt horn og varði vítið einni frá Henry. Staðan því enn 0-0. Það virtist vera að vítaklúður Selfyssinga hafi setið í þeim því Valskonur tóku völdin eftir vítaspyrnunar þar sem þær voru mun beittari á meðan Selfosskonur áttu í stökustu vandræðum með að byggja upp sóknir. Valskonur tóku forystuna á 17. mínútu og var það að verki Elín Metta Jensen sem skoraði mark eftir að boltinn hafði verið skallaður inn í markteig eftir hornspyrnu. Elín var vel staðsett og náði að breyta stefnu boltans þannig að markvörður heimakvenna kom engum vörnum við. Rúmum 12 mínútum síðar voru Valskonur komnar tveimur mörkum yfir. Þar á ferðinni var Lilja Dögg Valþórsdóttir og aftur var skorað eftir fast leikatriði þar sem boltanum var spyrnt að markteignum og Lilja fékk nóg pláss til að athafna sig og skalla boltann yfir markvörð Selfyssinga. Valskonur fengu mörg færi til að komast þremur mörkum yfir en Chante Sandiford sá til þess að forskot Vals var ekki nema tvö mörk. Talað er um að allar stundir séu góðar til að skora mark en rétt fyrir hálfleik hlýtar að teljast með betri tímum til að skora mark eins og Selfyssingar náðu a gera. Thelma Björk Einarsdóttir fékk boltann vinstra meginn við vítateig Vals og þetta virtist vera sending inn í teig en boltinn sveif fallega yfir Þórdísi í marki Vals og söng í hliðarnetinu. Þetta gerðist á 44. mínútu og skömmu síðar flautaði dómarinn til hálfleiks. Selfyssingar voru mun meira með boltann í síðari hálfleik en Valskonur spiluðu varnarleik sinn af mikilli festu þannig að Selfyssingar náðu ekki að skapa sér nógu góð marktækifæri. Valskonur komust þó líka í sín færi og hefðu getað á mörgum augnablikum klárað leikinn en Sandiford markvörður Selfyssinga hélt sínum konum á lífi trekk í trekk. Þar á meðal fengu Vaslkonur vítaspyrnu sem Sandiford varði og þar með voru komnar þrjár vítaspyrnur sem fóru forgörðum í leiknum. Selfyssingar uppskáru síðan jöfnunarmark eftir að hafa verið betri heilt yfir í seinni hálfleik á 79. mínútu. Þar var að verki Dagný Brynjardóttir en boltinn var sendur inn að markteig og náði markvörður Vals ekki að klófesta boltann sem datt fyrir Dagnýju sem þakkaði pent fyrir sig og renndi boltanum í autt markið. Valskonur töldu að brotið hefði verið á markverði sínum en dómarinn var ekki á sama máli. Á þessum tímapunkti héldu allir að leikurinn væri á leið í framlengingu og þótti það nóg af dramatík en hún átti eftir að verða mun meiri því á 92. mínútu skoraði Guðmunda Brynja Óladótti sigurmark leiksins fyrir Selfoss. Thelma Björk Einarsdóttir gaf fyrirgjöf úr aukaspyrnu inn á teig Valskvenna og var Guðmunda mætt fyrst og náði að stanga inn boltann. Allt ætlaði um koll að keyra í stúkunni en aftur voru Valskonur svekktar með að ekkert hafi verið dæmt en það var ekki að sjá að þær hefðu haft eitthvað til síns máls. Selfyssingar fara því í Laugardalinn og mæta þar Stjörnunni og eiga þar harma að hefna en þær töpuðu einmitt fyrir sama liði í fyrra í úrslitaleiknum.Ólafur Tryggvi Brynjarsson: Datt með Selfossi í dag með hjálp dómaranna „Þetta eru mestu vonbrigði sem ég hef upplifað á ævi minni“, sagði þjálfari Valskvenna eftir tap fyrir Selfoss í undanúrslitum Borgunarbikarsins fyrr í dag. „Við vorum með gott Selfoss lið á móti okkur, dómarann á móti okkur og frábæra áhorfendur á móti okkur. Ég er mjög stoltur af mínu liði, því við vorum með allt á móti okkur. Það er nóg að hafa 11 á móti sér en við vorum með dómara sem gefur þeim mörk og aukaspyrnur út um allan völl. Í jöfnunarmarkinu sem við fáum á okkur þá er markvörðurinn okkar keyrð niður með olnboga og öllu, það voru tíu mínútur eftir og ekkert í spilunum að Selfoss væri að fara að skora. En svona er lífið, þetta datt með Selfossi í dag með hjálp dómaranna“, sagði Ólafur mjög svekktur. Hann var spurður hvort að hans mati væru þetta ósanngjörn úrslit: „Mjög, tökum samt ekkert af Selfossi og þessi leikur var mjög flottur. Við fengum samt færi og víti til að klára leikinn en það datt ekki með okkur.“ Valur og Selfoss eigast við í baráttu um þriðja og fjórða sæti deildarinnar og jafnvel hærra og var Ólafur spurður hvaða áhrif þessi úrslit hefðu á lið hans í deildarkeppninni. „Þetta gefur okkur byr undir báða vængi engin spurning. Ef þetta drepur mann ekki þá gerir það mann bara sterkan og við byggjum ofan á það og það var svoleiðis stappað á okkur í dag en við sýndum þvílíkan karakter í dag. En úrslitin í dag voru ótrúlega sár en gefur okkur byr undir báða vængi að halda allavega þriðja sætinu.“Guðmunda Brynja Óladóttir: Sýndum ótrúlegan karakter Hún var að vonum í skýjunum fyrirliði Selfyssinga þegar hún ræddi við blaðamenn eftir ótrúlega dramatískan leik í undanúrslitum Borgunarbikarsins fyrr í dag. „Ég er orðlaus. Þetta var ótrúlega erfiður leikur og var það dálítið erfitt að lenda 2-0 undir í fyrri hálfleik en við sýndum ótrúlegan karakter í að koma til baka og uppskárum eftir því. Þetta eru skemmtilegustu leikirnir. Þetta var leikur markvarðanna, það voru varðar vítaspyrnur og að öðrum ólöstuðum þá eru þær menn leiksins.“ „Við vorum andlausar í fyrri hálfleik og það var erfitt að fá á sig mark í fyrri hálfleik og klúðra vítaspyrnu og það útskýrir afhverju við vorum svona lélegar í fyrri hálfleik. Við unnum samt vel úr því og komum sterkt til baka í seinni hálfleik.“ Guðmunda var einnig spurð út í áhrifin sem svona leikir hafa á deildarkeppnina. „Þetta ætti að hafa gífurlega góð áhrif á okkur þó að bikar og deild séu ekki það sama þá ætti þessi leikur að gefa okkur sjálfstraust. Nú erum við búnar að vinna Val tvisvar í sumar og þá er gott að vera með það í farteskinu í seinni leiknum í sumar.“ Guðmunda var að lokum spurð út í úrslitaleikinn sem verður á móti Stjörnunni. „Við eigum náttúrulega harma að hefna, við erum reynslunni ríkari og hlakkar til að spila við Stjörnuna. Þetta verður bara gaman.“
Pepsi Max-deild kvenna Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Stjarnan handtekin á leiðinni á völlinn: „Hann er á leið í fangelsi“ Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Efsti kylfingur á heimslista á yfir höfði sér fjórar ákærur Golf Grín sem snerist mjög fljótt upp í alvöru Handbolti Upphafshöggi frestað vegna banaslyss skammt frá vellinum Golf Barcelona þarf tæplega tuttugu milljarða fyrir lok júnímánaðar Fótbolti Fjórir af tíu launahæstu íþróttamönnum heims spila í Sádi-Arabíu Fótbolti NFL tekur ekki undir umdeild ummæli Butker Sport Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira