Nýtt lag frá Bigital

Birgir Örn Steinarsson, sem gengur undir listamannanafninu Bigital, hefur gefið út nýtt lag. Um er að ræða lagið Bandalag dauðra dúfna af væntanlegri breiðskífu Bigital.

Lagið er alternatíft rokk/popp í anda The Cure, Talking Heads og argentínska tangósnillingsins Astor Piazolla. Smáskífan gefur ágætis mynd af væntanlegri breiðskífu Bigital en hún mun bera nafnið 10 short stories.

Lagið er sungið af Kolbrúnu Magneu sem er þessa daganna stödd við rannsóknarstörf í Palestínu. Textinn, sem fjallar um að halda á vit ævintýranna, er þess vegna verulega við hæfi.

Lag og texti eru samin af Birgi Erni Steinarssyni. Lagið var hljóðritað í London, Reykjavík og Kaupmannahöfn af Birgi og Sigga Sigtryggssyni. Á bakvið lagið er vel valinn hópur tónlistarmanna; Henry Bowers-Broadbent (Kula Shaker, Jack Savoretti) á slagverki, Jak Berry á flautu, Ricardo Gosalbo á harmonikku, Siggi Sigtryggs (Skytturnar, Arashi, Tiger Town & Páll Óskar) og Birgir Örn Steinarsson á öll hin hljóðfærin. Hér að neðan má hlusta á lagið.