Fylgstu með ungum bændum á Snapchat

Samtök ungra bænda vilja kynna bústörf og sveitarlífið fyrir almenningi og ætla sér að nota Snapchat í verkefnið.

Þetta kemur fram á Facebook-síðu hópsins en þar segir að Snapchat-aðgangurinn flakki á milli ungra bænda og er nýr í hverri viku.

Fólk fær því tækifæri til að kynnast landbúnaði og daglegu lífi uppi til sveita hringinn í kringum landið.

Athygli vakti á dögunum þegar RÚV sýnd frá sauðburði í heilan sólahring og virtist landinn hafa töluverðan áhuga á því. 

Nú eru Samtök ungra bænda komin með snapp. Addið "ungurbondi" á snapchat og fáið snöpp frá ungum bændum við dagleg störf.

Posted by Samtök ungra bænda on 14. apríl 2015