Goðsögnin Ragnar Margeirsson á Stöð 2 Sport á föstudag

Þættirnir Goðsagnir efstu deildar verða á dagskrá á Stöð 2 Sport á föstudögum og nú er komið að þætti tvö.

Ferill Ragnars Margeirssonar er tekinn fyrir í þætti númer tvö sem fer í loftið klukkan 21.00 a föstudaginn kemur en á síðasta föstudag var fjallað um feril Inga Björns Albertssonar.

Ragnar Margeirsson er einn af markahæstu leikmönnum efstu deildar karla frá upphafi en hann skoraði 83 mörk í 224 leikjum fyrir Keflavík, KR og Fram á árunum 1979 til 1996 auk þess að spila 46 A-landsleiki.

Ragnar vann bikarinn tvisvar sinnum með Fram og náði að skora í þremur bikarúrslitaleikjum en hann spilað fimm af sex bikarúrslitaleikjum frá 1985 til 1990.

Garðar Örn Arnarson er leikstjóri þáttanna. Hér að ofan má sjá stiklu úr þættinum.