Árni Múli ráðinn til þingflokks Bjartrar framtíðar

Árni Múli Jónsson, fyrrverandi bæjarstjóri Akraness, hefur verið ráðinn sem pólitískur ráðgjafi þingflokks Bjartrar framtíðar og aðstoðarmaður formanns flokksins. Þetta kemur fram í tilkynningu frá Bjartri framtíð.

Þar segir að Árni sé hokinn af reynslu, sé lögfræðingur og hafi meðal annars starfað sem fiskistofustjóri, bæjarstjóri á Akranesi og hjá Umboðsmanni Alþingis.

Árni Múli hefur sérhæft sig í mannréttindalögfræði og hefur unnið að þeim málum í stjórn Íslandsdeildar Amnesty International og hjá Rauða krossi Íslands.