Stjórnarmaður vissi ekki af forstjórabíl

Stjórn Orkuveitunnar hefur falið Haraldi Flosa Tryggvasyni formanni að semja um ný starfskjör Bjarna Bjarnasonar forstjóra „innan ramma“ tillagna starfskjaranefndar OR.

Fulltrúar Sjálfstæðisflokks sátu hjá. „Kjartan Magnússon óskar bókað að honum var ekki kunnugt um að forstjóri OR hefði bifreið frá fyrirtækinu til umráða fyrr en upplýst var um það í tölvupósti forstjóra til starfskjaranefndar 14. nóvember 2014,“ segir í bókun Kjartans af stjórnarfundi fyrir mánuði.