Darri leikur Hannes, metnaðarfullan yfirmann innra eftirlits lögreglunnar sem hefur allan sinn feril lifað í skugga föður síns. Hann er með ríka réttlætiskennd sem reynist of þrándur í götu í heimi þar sem ekkert er svart og hvítt.
Borgríki II - Blóð hraustra manna er sjálfstætt framhald kvikmyndarinnar Borgríki sem kom út síðla árs 2011. Í helstu hlutverkum eru Darri Ingólfsson, Ágústa Eva Erlendsdóttir, Ingvar E. Sigurðsson, Sigurður Sigurjónsson, Zlatko Krickic og Hilmir Snær Guðnason.
Hér fyrir neðan má sjá sýnishorn úr myndinni en hún verður frumsýnd í október. Vísir frumsýnir síðan nýja stiklu á morgun, þriðjudag.
