Bíða enn lokaniðurstaðna úr krufningu og geðmati

Enn er beðið lokaniðurstaðna vegna krufningar og geðrannsóknar vegna rannsóknar á dauðsfalli í Stekkshólum. Kona fannst látin á heimili sínu í Stekkshólum í lok september og eiginmaður hennar er grunaður um að hafa valdið dauða hennar.

Hann situr enn í öryggisgæslu á réttargeðdeild Landspítalans á Kleppi.

Að sögn Friðriks Smára Björgvinssonar yfirlögregluþjóns er enn beðið krufningarniðurstaðna að utan auk geðmats á manninum. Að öðru leyti er rannsókn málsins að mestu lokið.