Daglegt líf í skissum prestsins Valgerður Þ. Jónsdóttir skrifar 13. október 2014 10:00 Örn Bárður tekur virkan þátt í teikniklúbbi á netinu. Hann sendir annað slagið inn valdar myndir úr skissubókinni og vatnslitamyndir, sem hann hefur málað um dagana. FRETTABLADID/PJETUR Sjálfblekungur með svörtu bleki er verkfærið og með honum dregur séra Örn Bárður Jónsson upp lífið eins og það blasir við honum í svarta skissubók. Ekki alltaf og alls staðar, en þó býsna oft. Bókina skilur hann að minnsta kosti sjaldan við sig. Hann dregur hana upp úr skjalatöskunni sinni við ýmis tækifæri, mundar verkfærið hröðum höndum og fangar augnablikið, rétt eins og ljósmyndari. „Ég skissa upp allt mögulegt, hús, landslag, dýr, blóm og manneskjur í mismunandi athöfnum, aðstæðum og umhverfi, hvar sem er og hvenær sem er, heima og heiman,“ segir Örn Bárður, sem vatnslitar myndirnar og skrifar oftast við þær ýmsa minnispunkta, skýringar eða athugasemdir þegar heim er komið. Hversdagslegir hlutir eins og heftari, heyrnartól og hádegisverður fá líka sitt pláss í bókinni svo fátt eitt sé nefnt. Ekkert er of ómerkilegt fyrir skissubókina að því er best verður séð. „Ég byrjaði að skissa svipmyndir úr daglega lífinu fyrir um tveimur árum þegar ég skráði mig á urbansketchers.org sem er teikniklúbbur á netinu fyrir þá sem hafa gaman af að skissa upp myndir á staðnum ef svo má segja. Það þýðir að ætlast er til að klúbbfélagar skissi undirbúningslaust eitthvað sem fyrir augu þeirra ber hvað svo sem það er. Ég rakst á síðuna af tilviljun þegar ég var að vafra um netið fyrir um tveimur árum og skráði mig félaga því mér fannst hún kjörinn vettvangur fyrir þá sem hafa gaman af að teikna. Klúbbfélagar, sem eru frá öllum heimshornum, af öllum stéttum og á öllum aldri, geta sent inn skissur sínar til birtingar. Sjálfur hef ég sett á síðuna og einnig á flickr.com nokkrar valdar skissur og líka stærri vatnslitamyndir sem ég hef verið að mála,“ segir Örn Bárður.Handskrifað „Í Hedrum (áður Heidarheim) „Domkirken på akeren“. Sr. Þórir Jökull flutti hugvekju og Björn sagði frá kirkju og frímúrarastarfi og tengslum. Thor bóndi og sagnfræðingur fræddi. 29. sept. 2014“ skrifaði Örn Bárður.VISIR/PJETURHann á þegar í fórum sínum þrjár nokkuð þykkar skissubækur og er langt kominn með þá fjórðu. Þótt margar skissur hans og vatnslitamyndir séu öllum aðgengilegar á netinu, hefur hann ekki flíkað þeim sérstaklega. Og skissubækurnar geymir hann í skjalatöskunni sinni. Samtals eru í þeim hátt í þrjú hundruð skissur. Séu þær skoðaðar í tímaröð má ráða í hvar hann hefur verið, jafnvel hvað hann hugsaði á því augnablikinu sem hann gerði skissurnar. Handskrifuðu nóturnar eru líka vísbendingar. Spurður hvort hann hafi átt sér listamannsdrauma á árum áður svarar hann játandi. „Sem strákur teiknaði ég og málaði töluvert með vatnslitum og sextán ára fór ég að fikta með olíuliti. Síðan snerti ég ekki á neinu slíku fyrr en um fertugt, fór til dæmis í módelteikningu í Myndlistarskólanum. Pabbi var frístundamálari og dóttir mín er myndlistarmaður svo kannski er þetta eitthvað í genunum.“ Örn Bárður hefur mikinn áhuga á að taka aukinn þátt í starfi teikniklúbbsins, t.d. sækja námskeið og viðburði sem hann standi fyrir víða um heim. „Samfélagið á urbansketchers.org er skemmtilegt, fjölbreytt og gefandi. Listin lifir góðu lífi á netinu,“ segir hann.Grasrótarsamtök á netinu Urban Sketchers eru grasrótarsamtök, sem rekin eru án hagnaðarvonar. Bækistöðvarnar eru í Washington-fylki á vesturströnd Bandaríkjanna. Markmiðið er að vera vettvangur og samfélag skissara um allan heim, kynna verk þeirra og hvetja þá til dáða. Stofnandi samtakanna er Spánverjinn Gabi Campanario, myndlistarlistarmaður og rithöfundur, sem m.a. er þekktur fyrir pistla sína í Seattle Times. Menning Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Páll Óskar genginn í það heilaga: „Besti dagur lífs okkar“ Lífið Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira
Sjálfblekungur með svörtu bleki er verkfærið og með honum dregur séra Örn Bárður Jónsson upp lífið eins og það blasir við honum í svarta skissubók. Ekki alltaf og alls staðar, en þó býsna oft. Bókina skilur hann að minnsta kosti sjaldan við sig. Hann dregur hana upp úr skjalatöskunni sinni við ýmis tækifæri, mundar verkfærið hröðum höndum og fangar augnablikið, rétt eins og ljósmyndari. „Ég skissa upp allt mögulegt, hús, landslag, dýr, blóm og manneskjur í mismunandi athöfnum, aðstæðum og umhverfi, hvar sem er og hvenær sem er, heima og heiman,“ segir Örn Bárður, sem vatnslitar myndirnar og skrifar oftast við þær ýmsa minnispunkta, skýringar eða athugasemdir þegar heim er komið. Hversdagslegir hlutir eins og heftari, heyrnartól og hádegisverður fá líka sitt pláss í bókinni svo fátt eitt sé nefnt. Ekkert er of ómerkilegt fyrir skissubókina að því er best verður séð. „Ég byrjaði að skissa svipmyndir úr daglega lífinu fyrir um tveimur árum þegar ég skráði mig á urbansketchers.org sem er teikniklúbbur á netinu fyrir þá sem hafa gaman af að skissa upp myndir á staðnum ef svo má segja. Það þýðir að ætlast er til að klúbbfélagar skissi undirbúningslaust eitthvað sem fyrir augu þeirra ber hvað svo sem það er. Ég rakst á síðuna af tilviljun þegar ég var að vafra um netið fyrir um tveimur árum og skráði mig félaga því mér fannst hún kjörinn vettvangur fyrir þá sem hafa gaman af að teikna. Klúbbfélagar, sem eru frá öllum heimshornum, af öllum stéttum og á öllum aldri, geta sent inn skissur sínar til birtingar. Sjálfur hef ég sett á síðuna og einnig á flickr.com nokkrar valdar skissur og líka stærri vatnslitamyndir sem ég hef verið að mála,“ segir Örn Bárður.Handskrifað „Í Hedrum (áður Heidarheim) „Domkirken på akeren“. Sr. Þórir Jökull flutti hugvekju og Björn sagði frá kirkju og frímúrarastarfi og tengslum. Thor bóndi og sagnfræðingur fræddi. 29. sept. 2014“ skrifaði Örn Bárður.VISIR/PJETURHann á þegar í fórum sínum þrjár nokkuð þykkar skissubækur og er langt kominn með þá fjórðu. Þótt margar skissur hans og vatnslitamyndir séu öllum aðgengilegar á netinu, hefur hann ekki flíkað þeim sérstaklega. Og skissubækurnar geymir hann í skjalatöskunni sinni. Samtals eru í þeim hátt í þrjú hundruð skissur. Séu þær skoðaðar í tímaröð má ráða í hvar hann hefur verið, jafnvel hvað hann hugsaði á því augnablikinu sem hann gerði skissurnar. Handskrifuðu nóturnar eru líka vísbendingar. Spurður hvort hann hafi átt sér listamannsdrauma á árum áður svarar hann játandi. „Sem strákur teiknaði ég og málaði töluvert með vatnslitum og sextán ára fór ég að fikta með olíuliti. Síðan snerti ég ekki á neinu slíku fyrr en um fertugt, fór til dæmis í módelteikningu í Myndlistarskólanum. Pabbi var frístundamálari og dóttir mín er myndlistarmaður svo kannski er þetta eitthvað í genunum.“ Örn Bárður hefur mikinn áhuga á að taka aukinn þátt í starfi teikniklúbbsins, t.d. sækja námskeið og viðburði sem hann standi fyrir víða um heim. „Samfélagið á urbansketchers.org er skemmtilegt, fjölbreytt og gefandi. Listin lifir góðu lífi á netinu,“ segir hann.Grasrótarsamtök á netinu Urban Sketchers eru grasrótarsamtök, sem rekin eru án hagnaðarvonar. Bækistöðvarnar eru í Washington-fylki á vesturströnd Bandaríkjanna. Markmiðið er að vera vettvangur og samfélag skissara um allan heim, kynna verk þeirra og hvetja þá til dáða. Stofnandi samtakanna er Spánverjinn Gabi Campanario, myndlistarlistarmaður og rithöfundur, sem m.a. er þekktur fyrir pistla sína í Seattle Times.
Menning Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Páll Óskar genginn í það heilaga: „Besti dagur lífs okkar“ Lífið Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira