Skora á ráðherra að breyta reglugerð

Bæjarstjórn Sveitarfélagsins Hornafjarðar ákvað á fundi í gær að skora á dómsmálaráðherra. Vilja þau að nýútkominni reglugerð um Lögregluumdæmi lögreglustjóra verð breytt á þann veg að Sveitarfélagið Hornafjörður heyri undir lögregluumdæmi lögreglustjórans á Suðurlandi.

Þannig fylgdi umdæmið kjördæmamörkum. Undanfarna mánuði hefur vinna þess efnis staðið yfir og bæjarstjórnin vill að haldið verði áfram með þá vinnu.

Ákvörðun um að lögregluembættið í Hornafirði yrði áfram undir lögreglustjóranum á Austurlandi var tekin á síðasta degi Sigmundar Davíðs Gunnlaugssonar sem dómsmálaráðherra. Heimamenn hafa verið mjög óánægðir með þá ákvörðun.

Bókun bæjarstjórnarinnar má sjá hér:

Bæjarstjórn Hornafjarðar skorar á dómsmálaráðherra að breyta nýútkominni reglugerð um Lögregluumdæmi lögreglustjóra sem birt var á vef Innanríkisráðuneytis s.l. fimmtudag. 4. desember á þann veg að Sveitarfélagið Hornafjörður heyri undir lögregluumdæmi lögreglustjórans á Suðurlandi og fylgi þannig kjördæmamörkum. Haldið verði áfram með þá vinnu sem í gangi hefur verið undanfarna mánuði þess efnis.