Nýjasta lag Orra Rafns frumflutt á Vísi

Nýjasta lag tónlistarmannsins Orra Rafns ber heitið „Það eina“ og er frumflutt á Vísi. 

„Þetta lag fjallar í stuttu máli um hlut sem allir ættu að tengja við,“ segir Orri Rafn. „Strák sem hugsar til stelpu og lýsir stelpunni og öllu því sem hann elskar við hana og hvað hann vill.“

Söngkonan Ylfa Marín er honum innan handar á upptökunni, en það voru strákarnir í StopWaitGo sem stjórnuðu upptökum.

„Vonandi er þetta það fyrsta af mörgum lögum sem við vinnum saman, því það er hrikalega gott að vinna með þeim,“ segir Orri Rafn, sem er hluti af plötusnúðateyminu Basic House Effect.

Hlýða má á lagið í heild sinni hér fyrir neðan.