Innlent

Át og drakk í tólf tíma á Kaktusi án þess að borga

Kolbeinn Tumi Daðason skrifar
"Við erum allir vistmenn á Kleppi,“ sögðu vinirnir fjórir í Englum alheimsins sem borðuðu og drukku frítt á Grillinu á Hótel Sögu.
"Við erum allir vistmenn á Kleppi,“ sögðu vinirnir fjórir í Englum alheimsins sem borðuðu og drukku frítt á Grillinu á Hótel Sögu.
Karlmaður sem pantaði veitingar og drakk áfengi fyrir tæplega 38 þúsund krónur á veitingastaðnum Kaktusi á Selfossi án þess að borga játaði sök fyrir Héraðsdómi Suðurlands í vikunni. Refsingu mannsins var frestað og fellur hún niður haldi hann skilorði í tvö ár. Hann hefur ekki áður brotið af sér.

Í ákærunni kom fram að maðurinn hefði fyrir hádegi föstudaginn 15. febrúar síðastliðinn komið inn á staðinn, pantað sér veitingar og drykki fyrir 37.970 krónur allt til um klukkan 22 þegar hann yfirgaf staðinn án þess að greiða fyrir. Þótti ljóst að maðurinn hefði enga fyrirsjáanlega möguleika á að greiða fyrir veitingarnar.

Maðurinn játaði skýlaust brot sitt en hann hafði þá endurgreitt veitingastaðnum fyrrnefnda upphæð. Í ljósi þess og að maðurinn hafði ekki áður hlotið dóm fyrir brot á almennum hegningarlögum var ákveðið að fresta refsingu mannsins.

Dóminn í heild sinni má nálgast hér.


Tengdar fréttir

Greiddi reikninginn fyrir Engla alheimsins á Grillinu

"Þeir pöntuðu flottustu réttina og drukku Chateau Monton Rothschild, árgang 1982. En 1982 árgangurinn er einn besti árgangur Bordeoux-vína á síðustu öld," segir fyrrum framkvæmdastjóri Hótels Sögu.

Vínið dýra sem Englar alheimsins drukku á Grillinu

Wilhelm Wessman, sem greiddi reikninginn fyrir Engla alheimsins á Grillinu, barðist fyrir breyttu umhverfi í hótelrekstri hér á landi. Áður fyrr flutti ríkið inn örfáar tegundir af víni, sem voru "allar mismunandi vondar."

Mest lesið


Fleiri fréttir

Sjá meira


×

Mest lesið