Umfjöllun, viðtöl, myndir og einkunnir: Fjölnir - Þór 4-1 | Loksins sigur hjá Fjölni Kristinn Páll Teitsson á Fjölnisvelli skrifar 27. júlí 2014 14:31 Vísir/Arnþór Fjölnir vann fyrsta leik sinn í tæplega þrjá mánuði með stæl í 4-1 sigri á Þór í Pepsi-deildinni í dag. Sigurinn var afar sanngjarn og var allt annað að sjá til liðsins en undanfarnar vikur. Fjölnismenn höfðu fyrir leikinn ekki unnið leik í tæplega þrjá mánuði. Síðasti sigur liðsins kom í annarri umferð fyrir norðan en uppskeran hafði verið rýr undanfarnar vikur. Fyrri hálfleikurinn var algjörlega í eign heimamanna en fyrsta mark leiksins var umdeilt. IllugiGunnarsson sendi þá langa sendingu inn á miðvörðinn Bergsvein Ólafsson sem leit út fyrir að vera rangstæður en Bergsveinn kláraði færið glæsilega með bakfallsspyrnu. Heimamenn bættu við tveimur mörkum í fyrri hálfleik og bæði komu þau eftir afar slakan varnarleik Þórsara. Fyrra markið skoraði Guðmundur Karl Guðmundsson eftir flottan sprett þar sem hann lék á hvern varnarmann Þórsara á fætur öðrum og lagði boltann í hornið. Undir lok hálfleiksins gerði Gunnar Már Guðmundsson út um leikinn með snyrtilegri afgreiðslu. Ragnar Leósson átti þá sendingu inn á fjærstöng þar sem enginn fylgdist með Gunnari koma inn á vítateiginn og leggja boltann undir Sandor Matus í marki Þórs. Gestirnir að norðan náðu betra taki á leiknum í seinni hálfleik en ógnuðu aldrei forskoti Fjölnismanna. Þórður Birgisson náði að minnka muninn eftir að hafa komið inn af bekknum undir lok leiksins en Ágúst Örn Arnarson bætti við fjórða marki Fjölnismanna mínútu síðar. Ágúst hafði stuttu áður komið inná í fyrsta sinn fyrir Fjölni í Pepsi-deildinni og skoraði hann með fyrstu snertingu sinni í leiknum. Öruggur 4-1 sigur staðreynd og afar verðskuldaður. Gestirnir að norðan virkuðu einfaldlega týndir í leiknum og kom lítið úr sóknarleik liðsins og einbeitingarleysi í varnarleiknum kostaði þá á endanum. Bergsveinn: Er alltaf að segja Gústa að setja mig upp á topp„Þetta er mjög kærkomið. Eftir langan tíma án sigurs verður gaman að fagna með strákunum í klefanum,“ sagði Bergsveinn Ólafsson, fyrirliði Fjölnis sáttur eftir leikinn. „Auðvitað settist þetta aðeins á sálina, við vorum að tapa leikjum og mörgum þeirra á síðustu mínútum leiksins. Það settist aðeins á sálina en við vorum staðráðnir í að ná sigri í dag.“ Bergsveinn átti fínan leik eins og allir aðrir leikmenn Fjölnis. „Við vorum staðráðnir að vinna fyrir klúbbinn og laga okkar stöðu. Við börðumst fyrir þessum þremur stigum og það var gríðarlega sætt að ná þeim. Það sem skiptir máli úr þessu eru þessi þrjú stig, ekkert annað.“ Bergsveinn skoraði glæsilegt mark í upphafi leiksins en myndbandið af því má sjá hér. „Ég hef ekki reynt þetta áður, ég er ekki svo vitlaus en ég reyndi þetta áðan og þetta gekk upp. Ég er ekki viss hvort ég hafi verið rangstæður en línuvörðurinn flaggaði ekki svo ég fór bara að fagna,“ sagði Bergsveinn sem vonaðist til þess að fá tækifærið fljótlega í framlínunni. „Að sjálfsögðu, ég er alltaf að segja honum að setja mig upp á topp,“ sagði Bergsveinn léttur. Páll Viðar: Stóð ekki steinn yfir steini í leik okkar„Orðið martröð á vel við, það stóð ekki steinn yfir steini í leik okkar í fyrri hálfleik,“ sagði Páll Viðar Gíslason, þjálfari Þórs, hundfúll eftir leikinn. „Ég er orðlaus yfir því hvernig strákarnir komu inn í þetta. Flestir leikirnir okkar eru upp á líf og dauða núna og við förum beinustu leið niður ef spilamennskan heldur áfram.“ Páll var ekki viss hvaða orð væri best til þess að lýsa andleysinu í leik Þórsara í dag. „Maður getur notað held ég bara flest lýsingaorð og andleysi er eitt þeirra. Þetta var okkar lélegasti hálfleikur lengi, við erum að fá á okkur léleg mörk sem ég hélt að við værum búnir að loka á.“ Eftir glæsilegan sigur á KR hefur uppskeran verið eitt stig í tveimur síðustu leikjum liðsins. „Það er ótrúlegt að leikmenn mæti mun meira spenntir upp í leik gegn FH og KR en svo þegar við mætum liðum sem eru í kringum okkur í deildinni eru menn einfaldlega ekki í takti,“ sagði Páll sem fann rangstöðufnyk af fyrsta marki Fjölnis. „Ég var ekki í línu við hann en hann var einkennilega mikið einn á þessu svæði en það var svosem ekki í eina skiptið sem menn voru einir inn á vítateig hjá okkur. Við vorum alltof langt frá mönnunum í öllum leiknum,“ Pepsi Max-deild karla Mest lesið Sjáðu stórkostlegt mark Sveindísar í lokaleiknum fyrir EM Fótbolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Svarar ekki Óskari Hrafni: „Ég tala bara úti á velli, ekki eftir á“ Íslenski boltinn Umdeildur öryggisvörður fær stuðning frá Haaland Fótbolti David Beckham lagður inn á sjúkrahús Fótbolti Dagskráin: Formúla 1, pílukast í Bandaríkjunum og tvö golfmót Sport Hetja Blika með þrennu af bekknum: „Allir jafn mikilvægir“ Sport Liverpool semur við fyrrum liðsfélaga Stefáns Teits Enski boltinn Fleiri fréttir Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Uppgjörið: Breiðablik - Fram 1-1 | Dramatík í Kópavogi Aldrei séð föður sinn jafn glaðan og sáttan í einu og sama verkefninu Sjáðu mörkin úr Bestu þar sem Gylfi Þór fór mikinn og glæsimark var skorað „Gæðin í liðinu munu alltaf skora mörk“ Uppgjör: ÍA-Stjarnan 0-3 | Stjarnan upp í þriðja sætið eftir sigur á botnliðinu Uppgjör: KA-Víkingur 0-2 | Gylfi maðurinn á bak við sigur Víkinga Taplausir ÍR-ingar juku forskot sitt á toppnum Tíu Þórsarar lönduðu fyrsta sigri sínum í þessum mánuði Sjá meira
Fjölnir vann fyrsta leik sinn í tæplega þrjá mánuði með stæl í 4-1 sigri á Þór í Pepsi-deildinni í dag. Sigurinn var afar sanngjarn og var allt annað að sjá til liðsins en undanfarnar vikur. Fjölnismenn höfðu fyrir leikinn ekki unnið leik í tæplega þrjá mánuði. Síðasti sigur liðsins kom í annarri umferð fyrir norðan en uppskeran hafði verið rýr undanfarnar vikur. Fyrri hálfleikurinn var algjörlega í eign heimamanna en fyrsta mark leiksins var umdeilt. IllugiGunnarsson sendi þá langa sendingu inn á miðvörðinn Bergsvein Ólafsson sem leit út fyrir að vera rangstæður en Bergsveinn kláraði færið glæsilega með bakfallsspyrnu. Heimamenn bættu við tveimur mörkum í fyrri hálfleik og bæði komu þau eftir afar slakan varnarleik Þórsara. Fyrra markið skoraði Guðmundur Karl Guðmundsson eftir flottan sprett þar sem hann lék á hvern varnarmann Þórsara á fætur öðrum og lagði boltann í hornið. Undir lok hálfleiksins gerði Gunnar Már Guðmundsson út um leikinn með snyrtilegri afgreiðslu. Ragnar Leósson átti þá sendingu inn á fjærstöng þar sem enginn fylgdist með Gunnari koma inn á vítateiginn og leggja boltann undir Sandor Matus í marki Þórs. Gestirnir að norðan náðu betra taki á leiknum í seinni hálfleik en ógnuðu aldrei forskoti Fjölnismanna. Þórður Birgisson náði að minnka muninn eftir að hafa komið inn af bekknum undir lok leiksins en Ágúst Örn Arnarson bætti við fjórða marki Fjölnismanna mínútu síðar. Ágúst hafði stuttu áður komið inná í fyrsta sinn fyrir Fjölni í Pepsi-deildinni og skoraði hann með fyrstu snertingu sinni í leiknum. Öruggur 4-1 sigur staðreynd og afar verðskuldaður. Gestirnir að norðan virkuðu einfaldlega týndir í leiknum og kom lítið úr sóknarleik liðsins og einbeitingarleysi í varnarleiknum kostaði þá á endanum. Bergsveinn: Er alltaf að segja Gústa að setja mig upp á topp„Þetta er mjög kærkomið. Eftir langan tíma án sigurs verður gaman að fagna með strákunum í klefanum,“ sagði Bergsveinn Ólafsson, fyrirliði Fjölnis sáttur eftir leikinn. „Auðvitað settist þetta aðeins á sálina, við vorum að tapa leikjum og mörgum þeirra á síðustu mínútum leiksins. Það settist aðeins á sálina en við vorum staðráðnir í að ná sigri í dag.“ Bergsveinn átti fínan leik eins og allir aðrir leikmenn Fjölnis. „Við vorum staðráðnir að vinna fyrir klúbbinn og laga okkar stöðu. Við börðumst fyrir þessum þremur stigum og það var gríðarlega sætt að ná þeim. Það sem skiptir máli úr þessu eru þessi þrjú stig, ekkert annað.“ Bergsveinn skoraði glæsilegt mark í upphafi leiksins en myndbandið af því má sjá hér. „Ég hef ekki reynt þetta áður, ég er ekki svo vitlaus en ég reyndi þetta áðan og þetta gekk upp. Ég er ekki viss hvort ég hafi verið rangstæður en línuvörðurinn flaggaði ekki svo ég fór bara að fagna,“ sagði Bergsveinn sem vonaðist til þess að fá tækifærið fljótlega í framlínunni. „Að sjálfsögðu, ég er alltaf að segja honum að setja mig upp á topp,“ sagði Bergsveinn léttur. Páll Viðar: Stóð ekki steinn yfir steini í leik okkar„Orðið martröð á vel við, það stóð ekki steinn yfir steini í leik okkar í fyrri hálfleik,“ sagði Páll Viðar Gíslason, þjálfari Þórs, hundfúll eftir leikinn. „Ég er orðlaus yfir því hvernig strákarnir komu inn í þetta. Flestir leikirnir okkar eru upp á líf og dauða núna og við förum beinustu leið niður ef spilamennskan heldur áfram.“ Páll var ekki viss hvaða orð væri best til þess að lýsa andleysinu í leik Þórsara í dag. „Maður getur notað held ég bara flest lýsingaorð og andleysi er eitt þeirra. Þetta var okkar lélegasti hálfleikur lengi, við erum að fá á okkur léleg mörk sem ég hélt að við værum búnir að loka á.“ Eftir glæsilegan sigur á KR hefur uppskeran verið eitt stig í tveimur síðustu leikjum liðsins. „Það er ótrúlegt að leikmenn mæti mun meira spenntir upp í leik gegn FH og KR en svo þegar við mætum liðum sem eru í kringum okkur í deildinni eru menn einfaldlega ekki í takti,“ sagði Páll sem fann rangstöðufnyk af fyrsta marki Fjölnis. „Ég var ekki í línu við hann en hann var einkennilega mikið einn á þessu svæði en það var svosem ekki í eina skiptið sem menn voru einir inn á vítateig hjá okkur. Við vorum alltof langt frá mönnunum í öllum leiknum,“
Pepsi Max-deild karla Mest lesið Sjáðu stórkostlegt mark Sveindísar í lokaleiknum fyrir EM Fótbolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Svarar ekki Óskari Hrafni: „Ég tala bara úti á velli, ekki eftir á“ Íslenski boltinn Umdeildur öryggisvörður fær stuðning frá Haaland Fótbolti David Beckham lagður inn á sjúkrahús Fótbolti Dagskráin: Formúla 1, pílukast í Bandaríkjunum og tvö golfmót Sport Hetja Blika með þrennu af bekknum: „Allir jafn mikilvægir“ Sport Liverpool semur við fyrrum liðsfélaga Stefáns Teits Enski boltinn Fleiri fréttir Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Uppgjörið: Breiðablik - Fram 1-1 | Dramatík í Kópavogi Aldrei séð föður sinn jafn glaðan og sáttan í einu og sama verkefninu Sjáðu mörkin úr Bestu þar sem Gylfi Þór fór mikinn og glæsimark var skorað „Gæðin í liðinu munu alltaf skora mörk“ Uppgjör: ÍA-Stjarnan 0-3 | Stjarnan upp í þriðja sætið eftir sigur á botnliðinu Uppgjör: KA-Víkingur 0-2 | Gylfi maðurinn á bak við sigur Víkinga Taplausir ÍR-ingar juku forskot sitt á toppnum Tíu Þórsarar lönduðu fyrsta sigri sínum í þessum mánuði Sjá meira