Hópur hettuklæddra manna réðst á Benna Ólsara

Ráðist var á Benjamín Þór Þorgrímsson, sem er einnig þekktur sem Benni Ólsari, fyrir utan Sporthúsið í gærkvöldið.

Gilbert Sigurðsson, einnig þekktur sem Gilbert Soberman, birti mynd af Benjamín illa förnum í andlitinu.

Gilbert segir þetta tengjast uppgjöri hans við Hilmar Leifsson. Hann segir að fimm hettuklæddir menn hafi ráðist á Benjamín og barið hann með kylfum. Gilbert og Hilmar hafa deilt undanfarna tíu mánuði eða svo. Neðst í fréttinni má sjá tvö myndbönd af slagsmálum á milli þeirra og manna sem þeim tengjast. Hið fyrra var tekið fyrir utan World Class í Laugardalnum og hið síðara á Café Milano.

Benjamín segir að ástæðan að baki árásinn sé líklega sú að hann sé vinur Gilberts. Benjamín segist annars enga tengingu eiga að málinu. „Ég er bara að reyna halda vinnunni og er í dag einkaþjálfari í Sporthúsinu. Það er bara verið að reyna skemma fyrir mér. Ég er einn vinsælasti einkaþjálfarinn á Íslandi í dag og þegar vel gengur hjá manni á að reyna eyðileggja. Þeir þola bara ekki að ég sé edrú og að lifa góðu lífi. Það er verið að reyna draga mig inn í myrkrið.“

Í fyrradag birti Gilbert pistil á Facebook-síðu sinni þar sem hann vonaðist til að þessari langvinnu deilu á milli hans og Hilmars myndi ljúka. Gilbert sagði þetta hafa haft áhrif á líf sitt og vonaðist til þess að geta grafið stríðsöxina. En svo varð ekki raunin:

„Á þriðjudag hendi ég inn hvítum fána og lýsi þessu stríði lokið af minni hálfu og þeim sem hafa stutt mig og fórnalömb þín!

Þitt svar er mjög augljóst og það er að ráðast á vin minn í gær daginn eftir að ég skrifa statusinn. 5 menn hettuklæddir, hálft fótboltalið með kylfur réðst aftan að honum og reyndu þeir að berja hann eins og þeir gátu og honum tekst að verjast höggum lang flestum sem töldu yfir 50 -70 högg og nær að koma sér inn í bílinn sinn og bregst á það ráð að reyna keyra þessar hetjur niður!“

Sjá einnig: Rafbyssu beitt í slagsmálum í Laugardal

Gilbert segir að þessu verði ekki svarað í sömu mynt:

„Vitni varð af árásinni! Og mun ég ítreka og vitna í fyrri status! Og þessu verður ekki svarað með ofbeldi því ég og mínir menn sem staðið hafa á bakvið og verndað fórnalömb þín erum ekki í stríði við þig!

Lögreglan mun sjá um að klára þessi mál og erum við yfir þetta hafnir!

Guð mun fyrirgefa þer syndir þínar þegar þú ferð á hnén í fangelsi og biður hann um það!

Greinilega átti að brjota öll bein í líkama hans því höggin og kylfurnar bentu augljóslega til þess! Og slapp hann vel með glóðurauga og brákað nef og einhverjar bólgur eftir þessa hetjur þínar!

Þessi skilaboð voru skýr um að greinilega vilt þú halda áfram þínum ógeðfellda leik og ræðst á mann sem mer er næst og ég hef litið upp til og hjálpað mer td með að verða að betri manni! Og hjálpað mer með mína edrúmensku og styrkt mig, og stllit mínar skrúfur þegar þær hafa átt til að losna!

Þetta átti hann engan veginn skilið. En þessi leið sem þu ert að fara sem er að fara í mína nánustu til að buga mig og vini mína til að kærur falli niður og þú fáir að vera áfram við þína iðju á götum bæjarins eru bara alls ekki að virka!“

Sjá einnig: Myndband af slagsmálunum á Café Milano komið á netið

Gilbert segir að hann viti til þess að fagnað hafi verið heima hjá Hilmari eftir árásina:

„Menn frá okkur fylgdust með fagnaðarsamkomu á heimili þínu stuttu eftir árásina og mátti sja mörg andlit og bíla saman komna heima hja þer!

Þú ert margfaldur afi og fjöskyldan þín hlýtur að vera stolt af þer og ykkar hyski!

Þú virtir ekki mína beiðni um að hætta! og svarið frá þer augljóst!

Ítreka ég og vitna í fyrri status sem ég skrifa á þriðjudag daginn fyrir árásina, að engir samningar verða gerðir og ekkert verður dregið til baka! þetta er í höndum lögreglunar og verður þar til yfir líkur!“



Veistu meira um málið? Sendu okkur línu á ritstjorn@visir.is.